शिवणी येथील वनक्षेत्रात गस्तीसाठी गेलेल्या वनपरिक्षेत्र अधिकाऱ्याची दुचाकी चोरट्याने चोरून नेल्याची घटना शनिवारी घडली. शिवणी येथील वन विकास महामंडळाचे वनपरिक्षेत्र अधिकारी संतोष चोले हे वन कर्मचाऱ्यांसह नियमित गस्तीसाठी जंगलात गेले होते. त्यांनी जंगलाच्या कडेला तीन दुचाकी उभ्या केल्या आणि कर्मचाऱ्यांसह जंगल परिसरात गस्त घालण्यास सुरुवात केली. याच संधीचा फायदा घेत चोरट्याने तीन दुचाकींपैकी एक दुचाकी चोरून नेली.
शोध घेऊनही दुचाकी सापडली नाही
दुचाकी गायब झाल्याचे लक्षात येताच शोध घेण्यात आला, मात्र ती मिळून आली नाही. त्यामुळे वन विकास महामंडळाच्या कर्मचाऱ्यांनी इस्लापूर पोलिस ठाण्यात तक्रार दाखल केली. वनक्षेत्रातील बेकायदा वृक्षतोड, वन्यजीवांची शिकार आणि अन्य गैरप्रकार रोखण्यासाठी वन कर्मचारी नियमित गस्त घालत असतात.
वनक्षेत्रातील सुरक्षेचा प्रश्न ऐरणीवर
अशा परिस्थितीत गस्तीला गेलेल्या कर्मचाऱ्याचीच दुचाकी चोरीला गेल्याने वनक्षेत्रातील सुरक्षेचा प्रश्न ऐरणीवर आला आहे. या प्रकरणातील चोरट्याचा शोध घेऊन दुचाकी परत मिळवण्याचे आव्हान पोलिसांसमोर आहे.
स्रोत: मूळ बातमी
Leave a Reply