लॉयड्स मेटल्स अँड एनर्जीचे व्यवस्थापकीय संचालक बी. प्रभाकरन यांना ग्लोबल पीस ऑनर्स २०२६ या पुरस्काराने सन्मानित करण्यात आले आहे. गडचिरोलीच्या औद्योगिक, सामाजिक आणि आर्थिक विकासातील त्यांच्या योगदानाबद्दल हा सन्मान देण्यात आला. प्रभाकरन यांनी हा पुरस्कार गडचिरोलीच्या जनतेला समर्पित केला.
मुंबईत भव्य सोहळा
हा पुरस्कार सोहळा मुंबईतील गेटवे ऑफ इंडिया येथे दिव्यज फाउंडेशनच्या वतीने आयोजित करण्यात आला होता. यावेळी मुख्यमंत्री देवेंद्र फडणवीस यांनी प्रभाकरन यांचा सन्मान केला. राष्ट्रीय सुरक्षा सल्लागार अजित डोवाल यांच्यासह मनोरंजन आणि उद्योग क्षेत्रातील अनेक मान्यवर या सोहळ्याला उपस्थित होते.
गडचिरोलीतील योगदान
प्रभाकरन यांच्या नेतृत्वाखाली गडचिरोलीत उद्योगवाढ, रोजगारनिर्मिती आणि समाजविकासाचे काम झाले आहे. स्थानिक तरुणांसाठी कौशल्य विकास आणि रोजगाराच्या संधी निर्माण करण्यावर त्यांनी भर दिला आहे. त्यांच्या या कार्याची दखल घेत त्यांना हा जागतिक सन्मान देण्यात आला.
Leave a Reply