मुंबई शहराच्या पाणीपुरवठ्याच्या दृष्टीने एक मोठा आणि दिलासादायक निर्णय घेण्यात आला आहे. कोयना जलविद्युत प्रकल्पात वीजनिर्मिती झाल्यानंतर समुद्रात वाहून जाणारे अतिरिक्त पाणी आता मुंबईकडे वळवले जाणार आहे. जलसंपदा मंत्री गिरीश महाजन यांनी या योजनेची माहिती दिली. या निर्णयामुळे मुंबईला तब्बल ६७ टीएमसी इतका नवा पाणीसाठा उपलब्ध होणार आहे.
बोगदे आणि पाईपलाईनच्या माध्यमातून पाणीपुरवठा
या योजनेवर उच्चस्तरीय बैठकीत सविस्तर चर्चा झाली असून, जल बोगदे आणि पाईपलाईनच्या माध्यमातून हे पाणी मुंबईपर्यंत पोहोचवण्याची योजना आखण्यात येत आहे. वीजनिर्मितीनंतर समुद्रात वाया जाणारे पाणी आता शहराच्या गरजेसाठी वापरले जाणार आहे.
मुंबईची वाढती मागणी पूर्ण होणार
मुंबईची लोकसंख्या आणि पाण्याची मागणी दिवसेंदिवस वाढत आहे. अशा परिस्थितीत हा नवा पाणीसाठा शहराच्या भविष्यातील पाणीपुरवठ्यासाठी अत्यंत महत्त्वाचा मानला जात आहे. या निर्णयामुळे मुंबईकरांना पाणीटंचाईच्या प्रश्नात मोठा दिलासा मिळण्याची अपेक्षा आहे.
Leave a Reply