शिक्षण हा प्रत्येकाच्या आयुष्यातला महत्त्वाचा भाग आहे. मात्र, वाढती महागाई पाहता शिक्षणासाठी भविष्यात मोठा खर्च येऊ शकतो. त्यात मुलीच्या शिक्षणाचं आणि लग्नाचं टेन्शन असेल, तर केंद्र सरकारची सुकन्या समृद्धी योजना पालकांसाठी फायदेशीर ठरू शकते.
या योजनेत मुलीच्या नावावर खातं उघडून तिच्या भविष्यासाठी रक्कम जमा करता येते. ऑक्टोबर ते डिसेंबर २०२६ या तिमाहीसाठी सरकारने या योजनेचा व्याजदर ८.२ टक्के कायम ठेवला आहे. दरमहा ५ हजार रुपये जमा केल्यास परिपक्वतेवर २७.७३ लाख रुपये मिळू शकतात, असं योजनेच्या तपशिलातून समोर येतं.
मुलीच्या भविष्यासाठी बचत
मुलीच्या नावावर खातं उघडून नियमित बचत केल्यास शिक्षण आणि लग्नासाठी मोठी रक्कम उभी राहू शकते. त्यामुळे लहानपणापासूनच मुलीच्या भविष्यासाठी नियोजन करणाऱ्या पालकांसाठी ही योजना उपयुक्त ठरते.
Leave a Reply