विदर्भाच्या जैवविविधतेत आणखी एका दुर्मिळ आणि देखण्या शिकारी पक्ष्याची भर पडली आहे. युरोप, रशिया आणि सायबेरियातील कडाक्याच्या थंडीपासून बचाव करण्यासाठी हजारो किलोमीटरचा प्रवास करत युरेशियन स्पॅरोहॉक हा दुर्मिळ स्थलांतरित पक्षी अमरावतीतील बोर धरण परिसरात दाखल झाला आहे.
नोव्हेंबरमध्ये झाले दर्शन
नोव्हेंबर २०२६ मध्ये या पक्ष्याचे दर्शन घडल्याने पक्षीप्रेमी आणि वन्यजीव अभ्यासकांमध्ये उत्सुकता निर्माण झाली आहे. अमरावतीचे प्रसिद्ध वन्यजीव व पक्षी छायाचित्रकार, तसेच होमिओपॅथी तज्ज्ञ डॉ. तुषार अंबाडकर यांनी या दुर्मिळ पक्ष्याची छायाचित्रांसह नोंद केली आहे. त्यांच्या कॅमेऱ्यात हा पक्षी कैद झाला आहे.
पक्षीप्रेमींमध्ये उत्सुकता
हिवाळ्याच्या काळात स्थलांतर करून येणाऱ्या या पाहुण्या पक्ष्याचे आगमन बोर धरण परिसराच्या जैवविविधतेसाठी महत्त्वाचे मानले जात आहे. या नोंदीमुळे विदर्भातील पक्षीजीवनाविषयीच्या अभ्यासाला आणखी एक महत्त्वाची माहिती मिळाली आहे.
Leave a Reply