मणिपूरच्या राजकीय वर्तुळातून दुःखद बातमी समोर आली आहे. राज्यातील पाटसोई विधानसभा मतदारसंघाचे भाजप आमदार सपम कुंजकेश्वर सिंह यांचे निधन झाले आहे. वयाच्या ६७ व्या वर्षी त्यांनी अखेरचा श्वास घेतला.
दिल्लीतील रुग्णालयात उपचार सुरू होते
शुक्रवारी पहाटे नवी दिल्ली येथील एका रुग्णालयात उपचार सुरू असताना त्यांची प्राणज्योत मालवली. ते गेल्या काही दिवसांपासून आजारी होते, अशी माहिती समोर आली आहे. त्यांच्या पश्चात पत्नी आणि चार मुले असा परिवार आहे.
राजकीय प्रवास
सपम कुंजकेश्वर सिंह यांनी २००७ मध्ये अपक्ष उमेदवार म्हणून पहिल्यांदा पाटसोई मतदारसंघातून विधानसभा निवडणूक जिंकली होती. त्यानंतर २०२२ मध्ये भाजपच्या तिकिटावर ते पुन्हा आमदार म्हणून निवडून आले. त्यांच्या निधनामुळे राजकीय वर्तुळात हळहळ व्यक्त होत आहे.
Leave a Reply