देशांतर्गत क्रिकेटमध्ये सातत्याने धावा करूनही सरफराझ खानची भारतीय संघात निवड का होत नाही, हा प्रश्न अनेक क्रिकेटप्रेमींना पडला आहे. माजी क्रिकेटर वसीम जाफर यांनी या विषयावर आता पहिल्यांदाच उघडपणे भाष्य केलं आहे. त्यांच्या मते, सरफराझला न निवडण्यामागे कामगिरीच्या पलीकडे काहीतरी कारण आहे.
सरफराझच्या आकडेवारीकडे पाहिलं तर चित्र स्पष्ट आहे. त्याने शेवटच्या रणजी सामन्यात हिमाचल प्रदेशविरुद्ध १५४ धावांची खेळी केली होती. ९६ फर्स्ट क्लास इनिंग्समध्ये त्याच्या नावावर १८ शतके आहेत आणि त्याची सरासरी ७०.६७ इतकी भक्कम आहे. ऑगस्टमध्ये श्रीलंकेविरुद्धच्या कसोटी मालिकेत साई सुदर्शन जखमी झाल्यावर त्याच्या जागी सरफराझला बदली खेळाडू म्हणून बोलावलं होतं, मात्र प्लेइंग इलेव्हनमध्ये त्याला संधी मिळाली नाही. २०२४ मध्ये न्यूझीलंडविरुद्ध तो शेवटचा आंतरराष्ट्रीय सामना खेळला होता. भारतासाठी खेळलेल्या सहा कसोटींमध्ये त्याने एक शतक आणि तीन अर्धशतके झळकवली असून त्याची सरासरी ३७.१० आहे.
जाफर यांचं म्हणणं
वसीम जाफर यांनी त्यांच्या यूट्यूब चॅनलवर बोलताना जुन्या काळाची आठवण करून दिली. त्यांच्या काळात रणजी ट्रॉफी सर्वकाही होती आणि आयपीएल अस्तित्वात नव्हतं. रणजीत चांगली कामगिरी केली की दुलीप ट्रॉफीत संधी मिळायची आणि त्यानंतर इंडिया ए चा दरवाजा उघडायचा. राष्ट्रीय संघापर्यंत पोहोचण्याचा तोच मार्ग होता. पण आता परिस्थिती बदलली असून आयपीएलला अधिक महत्त्व आहे. खेळाडू आणि निवडकर्ते दोघेही आता आयपीएलकडे लक्ष देतात आणि अनेक खेळाडू आयपीएलमधूनच आंतरराष्ट्रीय क्रिकेटमध्ये आले आहेत, असं त्यांनी सांगितलं.
कामगिरीच्या पलीकडे कारण?
जाफर यांच्या मते, निवडकर्त्यांना सरफराझला निवडायचंच नाही असं वाटतं. त्याचं प्रदर्शन सर्वांसमोर आहे आणि इतक्या छोट्या कारकिर्दीत त्याने १८ शतके केली आहेत. यामागचं नेमकं कारण आपल्याला माहिती नाही, पण प्रदर्शन आणि क्रिकेटच्या पलीकडे काहीतरी कारण असल्याचं त्यांना वाटतं. रिंकू सिंह आणि तिलक वर्मा दोघेही तिन्ही फॉरमॅटचे खेळाडू आहेत, याचा उल्लेखही त्यांनी केला. सरफराझने कितीही धावा केल्या तरी त्याला निवडलं जात नाही, हे दुर्देवी असल्याचं जाफर म्हणाले.
स्रोत: मूळ बातमी
Leave a Reply