गेमिंगच्या दुनियेत Grand Theft Auto VI बाबत सध्या जबरदस्त उत्साह पाहायला मिळत आहे. सर्वत्र या गेमची मोठ्या प्रमाणात चर्चा सुरू आहे. याच गेमपासून प्रेरित होऊन लग्जरी कस्टमाइजेशन ब्रँड Caviar ने विशेष गेमिंग डिव्हाईस कलेक्शन लाँच केले आहे. हे कलेक्शन Most Wanted या नावाने सादर करण्यात आले असून यामध्ये आयफोन १८ प्रो, फोल्डेबल आयफोन डुओ, सॅमसंग गॅलेक्सी झेड फोल्ड ८ अल्ट्रा आणि रे-बॅन मेटा स्मार्ट ग्लासेसचा समावेश आहे.
मियामी आणि व्हाइस सिटी थीम
कंपनीने लाँच केलेले हे डिव्हाईस मियामी आणि गेममधील काल्पनिक शहर व्हाइस सिटीच्या थीमच्या आधारे डिझाइन केले आहेत. कंपनी प्रत्येक डिझाइनचे केवळ १९ युनिट तयार करणार आहे. या कलेक्शनमधील सर्वात महागडे मॉडेल आयफोन डुओ Pink Alligator आहे. हा एक कस्टमाइज्ड आयफोन डुओ आहे. या डिव्हाईसची किंमत १३,१३० डॉलर म्हणजेच सुमारे ११.७ लाख रुपये ठेवण्यात आली आहे. यामध्ये पिंक क्रोकोडाइल लेदर फिनिशसह एयरोस्पेस-ग्रेड टाइटेनियम फ्रेम पाहायला मिळणार आहे. फोनच्या मागील बाजूला ६ चांदण्या असलेला एक लोगोही आहे, जो गेमच्या वॉन्टेड लेव्हल सिस्टिमने प्रेरित आहे.
अँड्रॉईड यूजर्ससाठी सॅमसंग गॅलेक्सी झेड फोल्ड ८ अल्ट्रा Ocean Drive एडिशन सादर करण्यात आले आहे. याची किंमत ११,५६० डॉलर म्हणजेच सुमारे १०.३ लाख रुपये आहे. या स्मार्टफोनच्या टाइटेनियम बॉडीवर २४ कॅरेट गोल्ड प्लेटिंग पाहायला मिळत आहे. या डिव्हाईसच्या डिझाइनमध्ये ज्योमेट्रिक पॅटर्नचा वापर करण्यात आला आहे, जो मियामीच्या साऊथ बीच क्षेत्राच्या आर्ट डेको आर्किटेक्चरने प्रेरित आहे.
आयफोन आणि स्मार्ट ग्लासेस
Caviar ने आयफोन १८ प्रो आणि प्रो मॅक्ससाठी निऑन व्हाइस आणि गँगस्टर एडिशन लाँच केले आहेत. प्रो मॉडेलची किंमत ११,१३० डॉलर म्हणजेच सुमारे ९.९ लाख रुपये आणि प्रो मॅक्स मॉडेलची किंमत ११,७०० डॉलर म्हणजेच सुमारे १०.४ लाख रुपये आहे. दोन्ही मॉडेलच्या मागील बाजूला बेरेटा ९२एफएस पिस्तूलची धातूची शिल्पकृती पाहायला मिळते. निऑन व्हाइसमध्ये मेजेंटा आणि टर्कॉइज एनामेल फिनिश मिळणार आहे, तर गँगस्टर मॉडेलमध्ये २४K गोल्ड प्लेटिंग आणि पाम लीफची कर्विंग मिळणार आहे. मात्र, फोनच्या मागील बाजूस असलेल्या धातूच्या डिझाइनमुळे वायरलेस चार्जिंग आणि मॅगसेफ अॅक्सेसरीज नेहमीप्रमाणे काम करत नाहीत.
कंपनीने केवळ स्मार्टफोनच नाही, तर रे-बॅन वेफेअरर जेन २ स्मार्ट ग्लास देखील सनसेट आणि गोल्ड रश एडिशनमध्ये लाँच केले आहेत. यामध्ये खास फ्रेम आणि गोल्ड डिटेलिंग पाहायला मिळणार आहे. कॅमेरा, ब्लूटूथ ऑडिओसारख्या इंटरनल फीचर्समध्ये कोणताही बदल केलेला नाही.
Leave a Reply