अभिनेत्री सुष्मिता सेनने 19 नोव्हेंबरला तिचा 51 वा वाढदिवस साजरा केला. चाहत्यांसह अनेक सेलिब्रिटींनी तिला शुभेच्छा दिल्या. त्यात सर्वांचे लक्ष वेधून घेतले ते आयपीएलचे माजी अध्यक्ष ललित मोदी यांच्या पोस्टने. नाते संपले असले तरी मोदींनी सुष्मिताला ‘माझी प्रिय मैत्रीण’ म्हणत वाढदिवसाच्या शुभेच्छा दिल्या आणि ‘अशीच हसत राहा’ असा संदेश लिहिला. या पोस्टमुळे दोघांच्या जुन्या नात्याची चर्चा पुन्हा सुरू झाली आहे.
‘डिअर फ्रेंड’ म्हणत दिल्या शुभेच्छा
मोदींनी सोशल मीडियावर ‘हॅपी बर्थडे टू माय डिअर फ्रेंड सुष्मिता सेन, कीप स्माइलिंग’ असा संदेश लिहिला. नाते संपले असले तरी एकमेकांबद्दलचा आदर आणि मैत्री कायम असल्याचे या पोस्टमधून दिसते. त्यामुळेच या शुभेच्छा सोशल मीडियावर चर्चेचा विषय ठरल्या आहेत.
2022 मध्ये जाहीर झाले होते नाते
जुलै 2022 मध्ये ललित मोदींनी सुष्मिता सेनसोबतचे काही फोटो शेअर करत तिला आपली ‘बेटर हाफ’ म्हटले होते. त्यानंतर दोघे नात्यात असल्याचे स्पष्ट झाले आणि लग्नाच्या चर्चांनाही सुरुवात झाली. मात्र नंतर मोदींनी दोघांचे लग्न झाले नसून ते एकमेकांना डेट करत असल्याचे स्पष्ट केले होते. नाते जाहीर झाल्यानंतर सुष्मिताला सोशल मीडियावर मोठ्या प्रमाणात ट्रोलिंगला सामोरे जावे लागले होते. काहींनी तिच्यावर ‘गोल्ड डिगर’ असल्याचा आरोपही केला होता. त्यावेळी सुष्मिताने पोस्ट लिहून या टीकेला उत्तर दिले होते.
2025 मध्ये ब्रेकअपवर शिक्कामोर्तब
ललित मोदी आणि सुष्मिता सेन यांचे नाते फार काळ टिकले नाही. फेब्रुवारी 2025 मध्ये मोदींनी ब्रेकअप झाल्याचे स्पष्ट केले. त्यानंतर जून 2026 मध्ये एका मुलाखतीत त्यांनी या नात्याबद्दल मनमोकळेपणाने भाष्य केले होते. सुष्मिताचे करिअर भारतात, तर आपण लंडनमध्ये राहत असल्याने दोघांमधील भौगोलिक अंतर वाढत गेले आणि नाते टिकवणे कठीण झाल्याचे त्यांनी सांगितले. मात्र सुष्मिता आजही आपली खास मैत्रीण असल्याचे ते म्हणाले. एकटीने दोन्ही मुलींचा सांभाळ ज्या पद्धतीने तिने केला, ते कौतुकास्पद असल्याचेही त्यांनी नमूद केले. ‘गोल्ड डिगर’ म्हणणाऱ्यांना उत्तर देताना सुष्मिता स्वतःच्या मेहनतीने यशस्वी आणि आर्थिकदृष्ट्या सक्षम असल्याचेही मोदींनी स्पष्ट केले होते.
Leave a Reply