एखाद्याची हटके शैली, आत्मविश्वासाने केलेला वावर किंवा निरागस अंदाजही करोडो लोकांचे लक्ष वेधून घेतो, याचाच प्रत्यय सध्या यवतमाळच्या वाघापूर परिसरात राहणाऱ्या रुद्रांश मंगेश सिसोदिया ठाकूर या 23 महिन्यांच्या चिमुकल्याच्या व्हिडिओमुळे आला आहे. गॉगल, सस्पेंडर आणि खिशात हात घालून या चिमुकल्याने केलेला रुबाब पाहून नेटकरी थक्क झाले आहेत.
आठ दिवसांत 11 कोटी व्ह्यूज
सोशल मीडियावर शेअर करण्यात आलेला हा व्हिडिओ आठ दिवसांत प्रचंड व्हायरल झाला आहे. या व्हिडिओला आतापर्यंत अकरा कोटी लोकांनी पाहिले असून 90 लाख चाहत्यांनी तो पसंत केला आहे. इतक्या कमी वयात मिळालेले हे यश पाहून अनेकांना आश्चर्य वाटत आहे.
नेटकऱ्यांकडून कौतुक
रुद्रांशच्या या व्हिडिओवर नेटकरी भरभरून प्रतिक्रिया देत आहेत. त्याचा आत्मविश्वास आणि निरागसपणा लोकांना विशेष भावला आहे. हा व्हिडिओ पाहून अनेकांनी त्याचे कौतुक केले असून तो सोशल मीडियावर सतत शेअर होत आहे. लहानग्याच्या या रुबाबाने यवतमाळचे नावही देशभरात पोहोचले आहे.
Leave a Reply