गुरुवार, १९ नोव्हेंबर २०२६ ▶
वेगवान महाराष्ट्र महाराष्ट्राच्या ताज्या बातम्या

पंढरपुरात अतिक्रमणांवर तीन दिवस हातोडा; रस्ते मोकळे

पंढरपूर शहरातील प्रमुख रस्ते व मंदिर परिसरातील अतिक्रमणे हटवण्यासाठी १५ ते १७ नोव्हेंबरदरम्यान विशेष मोहीम; पुन्हा अतिक्रमण केल्यास कठोर कारवाईचा इशारा.

पंढरपुरात अतिक्रमणांवर तीन दिवस हातोडा; रस्ते मोकळे

पंढरपूर शहरातील प्रमुख रस्ते, मंदिर परिसर, प्रदक्षिणा मार्ग आणि चंद्रभागा वाळवंटातील अतिक्रमणे हटविण्यासाठी नगरपरिषद, जिल्हा प्रशासन आणि पोलिस विभागाच्या संयुक्त विद्यमाने १५ ते १७ नोव्हेंबरदरम्यान विशेष मोहीम राबविण्यात आली. जिल्हाधिकाऱ्यांच्या आदेशानुसार सलग तीन दिवस ही धडक कारवाई करण्यात आली, अशी माहिती मुख्याधिकारी महेश रोकडे यांनी दिली.

तीन दिवसांची धडक कारवाई

पहिल्या दिवशी छत्रपती शिवाजी महाराज चौक ते स्टेशन रोड, चौफाळा ते महाद्वार घाट, अहिल्यादेवी चौक ते गजानन महाराज मंदिर आणि चंद्रभागा वाळवंट परिसरातील अतिक्रमणे हटविण्यात आली. यात अनधिकृत टपऱ्या आणि उसाच्या दुकानांचाही समावेश होता. दुसऱ्या दिवशी स्टेशन रोड, छत्रपती शिवाजी महाराज चौक ते चौफाळा रोड आणि गांधी रोड ते प्रदक्षिणा मार्गावरील अतिक्रमणे हटविण्यात आली. चौफाळा ते मंदिर परिसरातील दुकानदारांना विक्रीचे साहित्य पांढऱ्या पट्टीच्या आत ठेवण्याच्या सूचना देण्यात आल्या. तिसऱ्या दिवशी चौफाळा ते मंदिर परिसरातील पांढऱ्या पट्टीबाहेरील अतिक्रमणे हटविण्यात आली. तसेच प्रदक्षिणा मार्ग, छत्रपती शिवाजी महाराज चौक ते अर्बन बँक आणि गजानन महाराज मठ ते भक्ती मार्गावरील अतिक्रमणे काढण्यात आली.

पुन्हा अतिक्रमण केल्यास कारवाईचा इशारा

कारवाईदरम्यान तीनही दिवस पोलिस बंदोबस्त तैनात होता. या मोहिमेत जिल्हा प्रशासनाचे अधिकारी, नगरपरिषदेचे अधिकारी व २० कर्मचारी, तसेच पोलिस अधिकारी, कर्मचारी आणि होमगार्ड सहभागी झाले होते. आपत्कालीन सेवांसाठी रस्ते मोकळे करण्यात आले असून अनधिकृत अतिक्रमण केल्यास कठोर कारवाई करण्यात येईल, असा इशारा प्रशासनाने दिला आहे.

समृद्धी जगताप

Similar Posts

View All

Leave a Reply

Your email address will not be published. Required fields are marked *

ही वेबसाइट AI सहाय्याने व्यवस्थापित केली जाते · This website is managed with AI assistance