निवृत्त शिक्षकांनी आयुष्यभर समाजाच्या जडणघडणीत योगदान दिलेले असते आणि ते कधीही विसरता येणार नाही, असे जिल्हा परिषदेचे माजी अध्यक्ष मनोहर भदाणे यांनी सांगितले. धुळे शहरातील देवपूरमधील पेन्शनर भवनात जिल्हा निवृत्त प्राथमिक शिक्षक सेवा संघाची वार्षिक सभा झाली. त्यावेळी ते बोलत होते. निवृत्त शिक्षकांच्या प्रलंबित प्रश्नांसाठी आपण नेहमीच प्रयत्नशील असल्याचेही त्यांनी सांगितले.
या सभेला पेन्शनर संघाचे कार्याध्यक्ष वसंतराव वाबळे, नाशिक विभागाचे उपाध्यक्ष द. मा. ठुबे, छत्रपती संभाजीनगरचे उपाध्यक्ष वसंतराव सबनीस, जळगाव जिल्हाध्यक्ष स. ना. सोनवणे, नंदुरबार जिल्हाध्यक्ष मधुकर साबळे, नाशिक जिल्हाध्यक्ष बा. र. खैरनार, धुळे जिल्हाध्यक्ष अनंतराव साहेबराव पाटील, सरचिटणीस जिजाबराव दामू पाटील, उपाध्यक्ष रमेश सुकदेव पाटील, खजिनदार सुभाष भामरे, संचालक शांतिलाल पाटील, आधार पाटील, हिंमतराव देवरे, अनंत भामरे, युवराज वाघ, ध्रुव अहिरराव आणि बापू चौधरी उपस्थित होते.
प्रलंबित प्रश्नांवर चर्चा
शिक्षक हा समाजाचा खरा शिल्पकार असून, निवृत्तीनंतरही त्यांच्या समस्या आणि अडचणींकडे दुर्लक्ष करता येणार नाही, असे माजी अध्यक्ष भदाणे म्हणाले. संघटनेच्या माध्यमातून सर्वांनी एकजुटीने राहावे, असे आवाहनही त्यांनी यावेळी केले. या सभेत निवृत्त प्राथमिक शिक्षकांच्या विविध प्रलंबित प्रश्नांवर सविस्तर चर्चा झाली. निवृत्त शिक्षकांना भेडसावणाऱ्या समस्या संघटनेच्या माध्यमातून सोडविण्याचा निर्धार यावेळी व्यक्त करण्यात आला. किशोर पाटील यांनी सूत्रसंचालन केले, सरचिटणीस जिजाबराव पाटील यांनी प्रास्ताविक केले आणि सतीश शिंदे यांनी आभार मानले.
Leave a Reply