गोव्यात जन्मलेल्या वर्षा उसगांवकर यांनी वाणिज्य शाखेत पदवी घेतली आणि त्यानंतर अभिनय क्षेत्रात येण्याचा निर्णय घेतला. यासाठी त्यांनी खास दोन वर्षे नाट्यशास्त्राचे शिक्षण घेतले. त्यानंतर त्या मुंबईत आल्या आणि व्यावसायिक रंगभूमीवर त्यांनी अभिनयाला सुरुवात केली. नुकत्याच दिलेल्या एका मुलाखतीत त्यांनी त्यांच्या आयुष्यातील अनेक किस्से सांगितले. त्यापैकी चित्रीकरणादरम्यान घोड्यासोबत घडलेला एक थरारक प्रसंग आजही त्यांच्या लक्षात आहे.
“ही कार नाही, घोडा आहे”
चित्रीकरणासाठी घोड्यावर बसण्यापूर्वी त्यांना सांगण्यात आले की, ही कार नाही, घोडा आहे आणि त्याला स्वतःचे डोकं आहे. तो तुम्हाला कुठेही नेऊ शकतो. हे ऐकून त्या घाबरल्या. त्यानंतर जे घडले ते त्यांच्या म्हणण्याप्रमाणे अगदी तसेच झाले. घोड्याने त्यांना कुठेतरी नेले. त्यावेळी त्या दोन-चार वेळा पडल्या आणि थेट नाकावरच पडल्या.
घोडा समुद्राच्या दिशेने धावला
त्यांनी आणखी एक किस्सा सांगितला. एकदा घोडा त्यांना समुद्रात घेऊन चालला होता. कुत्र्यांमुळे घोडे बिथरतात, असे त्यांनी सांगितले. त्या लगाम खेचत होत्या. घोडा घाबरत होता आणि त्याही घाबरत होत्या. अखेर त्यांनी “वाचवा… वाचवा…” अशी ओरड सुरू केली आणि शेवटी कशीबशी त्या वाचल्या.
आजही घोड्यावर बसायला भीती
हा अनुभव सांगितल्यानंतर त्या म्हणाल्या की, आजही त्यांना घोड्यावर बसायला भीती वाटते. कारण या वयात हाडं मोडली म्हणजे झालं, असे त्यांनी सांगितले. त्यामुळे चित्रीकरणादरम्यानचा तो प्रसंग आजही त्यांच्या मनात ताजा आहे.
Leave a Reply