बुधवार, १८ नोव्हेंबर २०२६ ▶
वेगवान महाराष्ट्र महाराष्ट्राच्या ताज्या बातम्या

सोनाक्षी सिन्हाचा राहुल गांधींना मिश्किल टोला

राहुल गांधी यांनी आई-वडिलांच्या नात्याबद्दल सांगितलेल्या किस्स्यावर अभिनेत्री सोनाक्षी सिन्हाने मिश्किल अंदाजात प्रतिक्रिया दिली. 'माझ्या होणाऱ्या मुलांना कल्पनाही नाही की त्यांच्यासाठी पुढे काय वाढून ठेवलं आहे', अशी पोस्ट तिने शेअर केली.

सोनाक्षी सिन्हाचा राहुल गांधींना मिश्किल टोला

अभिनेत्री सोनाक्षी सिन्हा सोशल मीडियावर तिच्या स्पष्टवक्तेपणासाठी आणि मिश्किल स्वभावासाठी ओळखली जाते. आता पुन्हा एकदा तिची एक सोशल मीडिया पोस्ट चर्चेत आली आहे. यावेळी निमित्त ठरलं आहे काँग्रेस नेते राहुल गांधी यांनी त्यांच्या आई-वडिलांच्या नात्याबद्दल सांगितलेला एक किस्सा. राहुल गांधी यांनी आई सोनिया गांधी आणि वडील, माजी पंतप्रधान राजीव गांधी यांच्या प्रेमळ नात्याची आठवण सांगितली होती. यावर सोशल मीडियावर संमिश्र प्रतिक्रिया उमटल्या. याच चर्चेत सोनाक्षी सिन्हानेही उडी घेत मिश्किल अंदाजात प्रतिक्रिया दिली.

राहुल गांधी नेमकं काय म्हणाले होते?

१६ नोव्हेंबर रोजी नवी दिल्ली इथं सोनिया गांधी यांच्या ‘बिलॉगिंग: अ जर्नी ऑफ लव्ह’ या पुस्तकाच्या प्रकाशनाचा कार्यक्रम पार पडला. यावेळी राहुल गांधी यांनी आपल्या बालपणीचा एक खास किस्सा सांगितला. ते म्हणाले की, त्यांच्या घरी जेवणाच्या वेळी वडील राजीव गांधी असायचे आणि त्यांच्या मांडीवर आई सोनिया गांधी बसलेल्या असायच्या. हे दृश्य त्यांच्यासाठी अगदी सामान्य होतं. लहानपणी त्यांना वाटायचं की प्रत्येकाच्या घरी असंच असतं. मात्र, जेव्हा ते मित्रांच्या घरी जायचे, तेव्हा त्यांच्या आई-वडिलांना अशा प्रकारे एकमेकांच्या जवळ बसलेलं पाहायला मिळत नसे. त्यामुळे राहुल गांधी मित्रांनाच विचारायचे की, तुमची आई तुमच्या वडिलांच्या मांडीवर का बसत नाही?

सोनाक्षीने शेअर केली मजेशीर पोस्ट

राहुल गांधी यांच्या या वक्तव्यानंतर सोशल मीडियावर अनेकांनी प्रतिक्रिया दिल्या. काहींनी या आठवणीचं कौतुक केलं, तर काहींनी सार्वजनिक ठिकाणी पती-पत्नीने अशा प्रकारे प्रेम व्यक्त करण्यावर प्रश्न उपस्थित केले. याचदरम्यान सोनाक्षी सिन्हाने ‘Woemaniyah’ या सोशल मीडिया पेजची पोस्ट तिच्या इन्स्टाग्राम स्टोरीवर रीशेअर केली. या पोस्टमध्ये पती-पत्नीने एकमेकांवरील प्रेम व्यक्त करण्यात गैर काय, असा सवाल उपस्थित करण्यात आला होता. प्रेमळ नात्याकडे चुकीच्या नजरेनं पाहणाऱ्यांनाही या पोस्टमधून सुनावण्यात आलं होतं.

ही पोस्ट शेअर करत सोनाक्षीने लिहिलं, ‘Dammmmn my future kids have no idea what’s coming their way. Buckle up kiddos (wherever you’ll are right now).’ म्हणजेच, माझ्या होणाऱ्या मुलांना कल्पनाही नाही की त्यांच्यासाठी पुढे काय वाढून ठेवलं आहे. तयार राहा मुलांनो. तिच्या या विनोदी प्रतिक्रियेमुळे चाहत्यांचं लक्ष वेधलं गेलं आणि तिची ही पोस्ट सध्या जोरदार चर्चेत आहे.

समृद्धी जगताप

Similar Posts

View All

Leave a Reply

Your email address will not be published. Required fields are marked *

ही वेबसाइट AI सहाय्याने व्यवस्थापित केली जाते · This website is managed with AI assistance