जम्मू-काश्मीरच्या कुलगाम जिल्ह्यात सुरक्षादलांनी मोठी दहशतवादविरोधी कारवाई केली आहे. जंगलगाम गावात झालेल्या चकमकीत लष्कर-ए-तोयबाशी संबंधित लतीफ भट ठार झाला आहे. सीआरपीएफ जवानांवर झालेल्या हल्ल्यात त्याचा सहभाग असल्याचा संशय होता. त्यामुळे गेल्या काही दिवसांपासून सुरक्षा यंत्रणा त्याच्या शोधात होत्या.
जंगलगाम गावात सकाळी चकमक
मिळालेल्या माहितीनुसार, बुधवारी सकाळी कुलगाममधील जंगलगाम गावात ही चकमक झाली. 2025 पासून लतीफ भट बेपत्ता असल्याची माहिती मिळाली आहे. या चकमकीत तो ठार झाला.
दहशतवादविरोधी मोहिमेला यश
जम्मू-काश्मीरमध्ये दहशतवाद्यांविरोधात सुरू असलेल्या मोहिमेत सुरक्षादलांना हे मोठे यश मिळाले आहे. कुलगाम जिल्ह्यात झालेल्या या कारवाईकडे दहशतवादविरोधी मोहिमेतील महत्त्वाचे पाऊल म्हणून पाहिले जात आहे.
Leave a Reply