चेन्नई संघाचे माजी कर्णधार महेंद्रसिंग धोनी यांनी १७ नोव्हेंबर २०२६ रोजी आयपीएलमधून निवृत्ती जाहीर केली. आयपीएल २०२७ च्या खेळाडू कायम ठेवण्याच्या अंतिम मुदतीच्या दिवशी त्यांनी हा निर्णय जाहीर केला. त्यानंतर चाहते भावुक झालेच, पण त्यांच्यासोबत खेळलेले खेळाडू आणि नवे खेळाडूही तितकेच भावुक झाले आहेत.
रोहितची भावुक पोस्ट
धोनीच्या नेतृत्वाखाली दीर्घकाळ खेळलेला रोहित शर्मा याने त्याच्यासाठी एक खास पोस्ट शेअर केली आहे. रोहितने पोस्टमध्ये म्हटले की, धोनी भाई, तुमच्या अविश्वसनीय आयपीएल कारकिर्दीबद्दल तुमचे खूप खूप अभिनंदन. अनेक वर्षांपासून तुमच्यासोबत मैदानावर वेळ घालवणं आणि अनेक आठवणी निर्माण करणं खूप आनंददायी होते. तुमच्यासाठी खूप खूप आदर आहे, असेही रोहितने नमूद केले.
विराटकडून मात्र शांतता
धोनीचा जवळचा मित्र विराट कोहली याच्याकडून निवृत्तीच्या बातमीनंतर पोस्टची अपेक्षा होती. मात्र त्याने अद्याप कोणतीही पोस्ट केलेली नाही, त्यामुळे चाहत्यांमध्ये त्याबाबतही चर्चा सुरू आहे.
धोनी खेळाडू म्हणून जरी खेळत नसला तरी तो पुढील हंगामात चेन्नई संघाचा मेंटर म्हणून दिसणार आहे. त्यामुळे मैदानावर त्याची उपस्थिती नव्या भूमिकेत कायम राहणार आहे.
Leave a Reply