सोमवारी झालेल्या पत्रकार परिषदेत रोहित पवार यांनी मुख्यमंत्री देवेंद्र फडणवीस यांचा मफलर घातलेला एक फोटो समोर ठेवला. या फोटोत फडणवीस यांच्या शेजारी व्हीएसआर व्हेंचर्स कंपनीचे मालक व्ही. के. सिंग यांचे पुत्र रोहित सिंग दिसत असल्याचे सांगण्यात आले. हा फोटो दाखवताच राजकीय वर्तुळात एकच खळबळ उडाली आणि या विषयावर चर्चांना उधाण आले.
भाजपचा पलटवार
भाजपने या आरोपांना प्रत्युत्तर देताना रोहित पवार यांच्यावर जोरदार टीका केली. दिवंगत अजित पवार यांचे अंत्यविधी सुरू असताना असे आरोप करणे योग्य नसल्याचे भाजपच्या नेत्यांनी म्हटले. ‘जुना वारसा घेऊन, नवीन पुतण्या येतोय’ अशा शब्दांत भाजपने रोहित पवार यांच्यावर निशाणा साधला. रोहित पवार हे स्वतःला दिवंगत अजित पवार यांचे उत्तराधिकारी म्हणून प्रस्थापित करण्याचा प्रयत्न करत असल्याचा आरोपही भाजपकडून करण्यात आला.
वाद आणखी चिघळण्याची शक्यता
रोहित पवार यांनी दाखवलेल्या फोटोवरून सुरू झालेला हा वाद आता आरोप-प्रत्यारोपांच्या पातळीवर पोहोचला आहे. मफलर घातलेल्या फोटोमधील व्यक्ती कोण, यावरून दोन्ही बाजूंनी वेगवेगळे दावे केले जात आहेत. या वादावर पुढे काय प्रतिक्रिया येतात, याकडे राजकीय वर्तुळाचे लक्ष लागले आहे.
Leave a Reply