धुळे जिल्ह्यातील दोंडाईचा येथील हस्ती चॅरिटेबल ट्रस्ट संचालित हस्ती पब्लिक स्कूल व ज्युनिअर कॉलेजच्या विद्यार्थ्यांनी जिल्हास्तरीय आट्यापाट्या क्रीडा स्पर्धेत यश संपादन करत विभाग स्तरावर प्रवेश मिळवला आहे. जिल्हा क्रीडा विभागामार्फत नरडाणा (ता. शिंदखेडा) येथील विकास विद्यालय येथे झालेल्या या स्पर्धेचे प्राचार्य आणि जिल्हा सचिव आनंद पवार यांच्या हस्ते उद्घाटन झाले.
## संघांची कामगिरी
स्पर्धेत १४ वर्षांखालील मुलींच्या आणि मुलांच्या संघाने प्रथम स्थान पटकावले, तर १९ वर्षांखालील मुलांच्या संघाने तृतीय स्थान मिळवले. १४ वर्षांखालील मुलींच्या गटात संजना पावरा, आरती बागूल, मंजू पावरा, आरवी पावरा, खुशी पवार, अंकिता पावरा, श्रेयांशा गावित, राशी पावरा, निकिता पावरा, चंचल पावरा व दिव्या पावरा यांनी सहभाग घेतला. १४ वर्षांखालील मुलांच्या गटात सिद्धेश्वर धनगर, ऋषिकेश मासुळे, यश बच्छाव, लोकेश गावित, दीपक पाडवी, अर्जुन ठाकरे, केशव मनोहर, आकाश सुल, सुनील तांबे, पुष्कराज करिया, दुर्गेश वाघ व आदेश लकडे यांनी चमकदार कामगिरी केली.
## संस्थेकडून कौतुक
या यशाबद्दल संस्थेचे अध्यक्ष अशोक जैन, कार्याध्यक्ष किशोर जैन, चेअरमन कैलास जैन, संचालक मंडळ आणि प्राचार्या रझिया दाऊदी यांनी खेळाडूंचे कौतुक केले.
Leave a Reply