मुंबईकरांना महागाईचा आणखी एक झटका बसला आहे. मुंबई आणि आसपासच्या परिसरात सीएनजीच्या दरात प्रति किलो दीड रुपयांची वाढ झाली असून, आता सीएनजीचा नवा दर ९१ रुपये ५० पैसे प्रति किलो झाला आहे. ही दरवाढ आज मध्यरात्रीपासून लागू होणार आहे.
प्रवाशांच्या खिशावर थेट परिणाम
सीएनजीच्या दरवाढीचा थेट परिणाम रिक्षा आणि टॅक्सीने प्रवास करणाऱ्या प्रवाशांवर होणार आहे. इंधन महाग झाल्याने दैनंदिन प्रवासाचा खर्च वाढणार असून, मुंबईकरांच्या खिशावर या दरवाढीचा बोजा पडणार आहे.
मध्यरात्रीपासून नवे दर लागू
वाढीव दर आज मध्यरात्रीपासून लागू होणार आहेत. त्यामुळे मध्यरात्रीनंतर सीएनजी भरणाऱ्या वाहनचालकांना नवा दर मोजावा लागणार आहे. मुंबईसह आसपासच्या परिसरातील वाहनचालक आणि प्रवाशांना या दरवाढीचा फटका बसणार आहे.
Leave a Reply