वेणेगाव-कोपर्डे परिसरातील नागरिकांची अनेक वर्षांपासूनची मागणी अखेर पूर्णत्वास जात आहे. वेणेगाव-कोपर्डेदरम्यान कृष्णा नदीवर पूल उभारण्यासाठी तब्बल ३६ कोटी रुपयांचा निधी मंजूर झाला आहे. त्यामुळे या परिसरातील दळणवळणाचा प्रश्न कायमस्वरूपी मार्गी लागण्याची आशा निर्माण झाली आहे.
पाठपुराव्याला यश
आमदार मनोज घोरपडे यांनी सार्वजनिक बांधकाममंत्री शिवेंद्रसिंहराजे भोसले यांच्याकडे केलेल्या सातत्यपूर्ण पाठपुराव्यामुळे या पुलाच्या उभारणीसाठी निधी मंजूर झाला. त्यामुळे परिसरातील नागरिकांतून समाधान व्यक्त होत आहे. वेणेगाव-कोपर्डेदरम्यान कृष्णा नदीवर पूल व्हावा, ही परिसरातील नागरिकांची अनेक वर्षांची मागणी आहे.
प्रवास सुलभ होणार
या पुलामुळे वेणेगाव, कोपर्डे तसेच परिसरातील गावांतील नागरिकांचा प्रवास अधिक सुलभ होणार आहे. शेतकरी, विद्यार्थी, नोकरदार, व्यापारी आणि व्यावसायिकांना याचा फायदा होईल. या पुलाच्या उभारणीच्या अनुषंगाने सध्या भूगर्भाची स्थिती तपासण्यासाठी बोअर लॉगिंगची चाचणी सुरू आहे. आवश्यक तांत्रिक तपासणी व पुढील नियोजनाच्या दृष्टीने ही प्रक्रिया महत्त्वाची मानली जात आहे.
स्रोत: मूळ बातमी
Leave a Reply