दीपावली महोत्सवानिमित्त जळगाव येथील आधार ज्येष्ठ नागरिक संघ, मुक्ताईनगर परिसर येथे सांज पाडवा हा कार्यक्रम सादर करण्यात आला. स्वरवेधतर्फे सादर झालेल्या या कार्यक्रमात कलावंतांनी विविध मराठी गीते सादर करून ज्येष्ठ नागरिकांची संध्याकाळ आनंददायी केली.
कार्यक्रमाची सुरुवात सरस्वती माता प्रतिमापूजनाने झाली. अध्यक्ष डॉ. संभाजी देसाई, सचिव प्रकाश पाटील आणि भागवत पाटील यांच्या हस्ते पूजन करण्यात आले. त्यानंतर भागवत पाटील यांनी गायिलेल्या गणेश स्तुतीच्या गीताने कार्यक्रमाला सुरुवात झाली.
भक्तिगीतांनी रंगला कार्यक्रम
नीळकंठ कासार, योगेश पाटील, वैशाली जोहरे, प्रकाश पाटील, दिलीप चौधरी आणि भागवत पाटील यांनी भक्तिगीते, भावगीते, अभंग, देशभक्ती गीते आणि गझल सादर केली. निघालो घेऊन दत्ताची पालखी, तुझे गीत गाण्यासाठी, वाऱ्यावरती गंध पसरला, आकाशी झेप घेरे पाखरा, तीर्थ विठ्ठल क्षेत्र विठ्ठल, अबीर गुलाल उधळीत रंग, माझे माहेर पंढरी, धाव पाव स्वामी समर्था आणि देहाची तिजोरी ही गीते सादर करण्यात आली.
प्रकाश पाटील यांनी आईवर आधारित एक अहिराणी कविता सादर केली. कार्यक्रमाचे सूत्रसंचालन पल्लवी जोशी यांनी केले.
स्रोत: मूळ बातमी
Leave a Reply