छत्रपती संभाजीनगरमध्ये मध्यरात्री खळबळ उडवणारी घटना घडली. शिवसेना नेते आणि जिल्ह्याचे पालकमंत्री संजय शिरसाट यांच्या घरावर हल्ल्याचा प्रयत्न झाला. अज्ञात तिघांनी घरावर बाटल्या फेकल्याची माहिती समोर आली आहे. या प्रकरणी पोलिसांनी तिघांना अटक केली असून त्यांची कसून चौकशी सुरू आहे.
मध्यरात्री नेमकं काय घडलं?
प्राथमिक माहितीनुसार मद्यधुंद अवस्थेतील तरुणांनी हा प्रकार केल्याचं सांगितलं जातंय. घरावर बाटल्या फेकल्यानंतर परिसरात खळबळ उडाली. पोलिसांनी तातडीने कारवाई करत तिघांना ताब्यात घेतलं. सातारा पोलीस ठाण्यात आरोपींविरुद्ध गुन्हा दाखल करण्याची प्रक्रिया रात्री उशिरापर्यंत सुरू होती. अटक केलेल्या तिघांची चौकशी सुरू असून हल्ल्यामागचं नेमकं कारण अद्याप स्पष्ट झालेलं नाही.
यापूर्वीही हल्ल्याचा प्रयत्न
मंत्र्यांच्या घरावर यापूर्वीही हल्ल्याचा प्रयत्न झाल्याची माहिती समोर आली आहे. त्यामुळे या घटनेनं सुरक्षेचा प्रश्न पुन्हा ऐरणीवर आला आहे. पोलिसांच्या तपासातून नेमकं कारण समोर येईल, अशी अपेक्षा व्यक्त होत आहे.
स्रोत: मूळ बातमी
Leave a Reply