पितृदोष म्हणजे काय? दूर करण्याचे सोपे उपाय

आपण अनेकदा पितृदोषाबद्दल ऐकलंच असेल, पण पितृदोष म्हणजे नक्की काय असतो? आणि त्यामुळे काय त्रास होऊ शकतो? तसेच तो दूर करण्यासाठी काय करावं? या सर्व प्रश्नांची उत्तरं आज आपण जाणून घेणार आहोत.

जेव्हा आपल्या घरातील एखाद्या मृत पूर्वजाची एखादी इच्छा अपूर्ण राहते, किंवा एखाद्या गोष्टीमध्ये त्याचा जीव गुंतला असेल तर त्यामुळे अशा घरात पितृदोष निर्माण होतो, असं मानलं जातं. पितृदोषामुळे घरावर विविध प्रकारची संकटं येऊ शकतात. जसं की नोकरी किंवा व्यवसायात नुकसान, हातात पैसा न टिकणं, प्रचंड कष्ट करून देखील मेहनतीचं योग्य फळ न मिळणं अशा घटना तुमच्यासोबत घडू शकतात. तसेच एखादी दुर्घटना किंवा अपघात, घरात काहीही कारण नसताना सतत भांडणं होणं, घरात सर्व सुखसोयी असून देखील मानसिक शांती न लाभणं हे देखील पितृदोषाचीच लक्षणं मानली जातात.

जर घरात पितृदोष निर्माण झाला असेल तर तो वेळीच दूर करणं गरजेचं आहे, त्यासाठी वास्तुशास्त्रामध्ये विविध उपाय सांगण्यात आले आहेत. आज आपण अशाच काही सोप्या उपायांबद्दल माहिती जाणून घेणार आहोत.

पितृदोष दूर करण्याचे सोपे उपाय

अन्नदान: अन्नदानासारखं दुसरं कोणतंही श्रेष्ठ दान नाही, असं म्हटलं जातं. अन्नदानामुळे तुमच्या घरात कोणतेही दोष असतील तर ते दूर होतात. त्यामुळे ज्या घरात पितृदोष असेल, अशा घरातील लोकांनी नियमितपणे अन्नदान केलंच पाहिजे. यामुळे तुमचे पूर्वज तुमच्यावर प्रसन्न होतात, घरातील पितृदोष दूर होईल आणि घराला बरकत प्राप्त होते. त्यामुळे हिंदू धर्मात अन्नदान महत्त्वाचं मानलं गेलं आहे.

गो सेवा: हिंदू धर्मात गायीला अत्यंत पवित्र मानलं गेलं आहे. हिंदू धर्मातील अनेक ग्रंथांमध्ये गो सेवेचं महत्त्व आणि त्याच्या फळाची प्राप्ती याची देखील माहिती देण्यात आली आहे. ज्या व्यक्तीला पितृदोष असतो, किंवा ज्या कुटुंबात पितृदोष असतो, अशा कुटुंबातील लोकांनी नियमितपणे गो सेवा करावी. गाईला दररोज गवताची पेंढी किंवा एखादी पोळी, भाकरी द्यावी, पाणी पाजावं. यामुळे तुमच्या घरातील पितृदोष दूर होण्यास मदत होईल.

पिंपळाच्या झाडाला प्रदक्षिणा: वास्तुशास्त्रामध्ये पिंपळाच्या झाडाला खूप पवित्र मानलं गेलं आहे. ज्या व्यक्तीला पितृदोषाचा त्रास असतो अशा व्यक्तीनं दररोज सकाळी अंघोळ झाल्यानंतर पिंपळाच्या झाडाला न चुकता प्रदक्षिणा माराव्यात, यामुळे पितृदोष दूर होतो, असं वास्तुशास्त्रामध्ये सांगण्यात आलं आहे.

टीप: वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही.

स्रोत: मूळ बातमी