बीएसएनएल ही देशातील एक महत्त्वाची आणि प्रसिद्ध दूरसंचार कंपनी आहे. कंपनी आपल्या वापरकर्त्यांसाठी वेळोवेळी नवनवीन रिचार्ज प्लॅन्स आणत असते. दिवाळीनिमित्त बीएसएनएलने आपल्या ग्राहकांसाठी नवीन प्लॅन लॉन्च केला आहे. कंपनीने अवघ्या २५९ रुपयांचा नवा ब्रॉडबँड प्लॅन सादर केला आहे. यामध्ये वापरकर्त्यांना हाय-स्पीड इंटरनेट आणि अनलिमिटेड व्हॉईस कॉलिंगसोबतच लोकप्रिय ओटीटी ॲप्सचे ॲक्सेस मोफत मिळणार आहे.
२५९ रुपयांच्या प्लॅनमध्ये काय मिळणार?
बीएसएनएलच्या २५९ रुपयांच्या या प्लॅनमध्ये ग्राहकांना हाय-स्पीड फायबर ब्रॉडबँड इंटरनेट डेटाचा फायदा मिळणार आहे. त्यामुळे वर्क फ्रॉम होम करणे देखील सोपे होणार आहे. इंटरनेटसोबतच कोणत्याही नेटवर्कवर मोफत आणि अमर्याद लोकल आणि एसटीडी व्हॉईस कॉलिंग सुविधा पुरवली जात आहे.
ही सेवा बीएसएनएलच्या भारतनेट फायबर नेटवर्कचा विस्तार आणि ग्रामीण व शहरी भागांत स्वस्त इंटरनेट पोहोचवण्याच्या उद्देशाने तयार करण्यात आली आहे. या स्वस्त प्लॅनचे सर्वात मोठे वैशिष्ट्य म्हणजे यामध्ये ग्राहकांना मोफत ओटीटी प्लॅटफॉर्म्सचे सबस्क्रिप्शन दिले जाणार आहे. कंपनीने या दिवाळी सणाच्या मुहूर्तावर आपल्या वापरकर्त्यांसाठी इतर अनेक आकर्षक रिचार्ज प्लॅन्स आणि स्पेशल ऑफर्सची घोषणा केली आहे. खाजगी दूरसंचार कंपन्यांच्या वाढत्या प्लॅनच्या किमतींच्या पार्श्वभूमीवर बीएसएनएलचा हा २५९ रुपयांचा प्लॅन ग्राहकांच्या खिशाला मोठा दिलासा देणारा ठरणार आहे.
वार्षिक प्लॅनमध्येही फायदे
बीएसएनएलचा २,७९९ रुपयांचा प्लॅन हा वार्षिक प्लॅन असणार आहे. यामध्ये संपूर्ण भारतात अनलिमिटेड व्हॉईस कॉलिंग आणि फ्री नॅशनल रोमिंगची सुविधा ग्राहकांना मिळणार आहे. यामध्ये दररोज ३ जीबी डेटा आणि हाय-स्पीड इंटरनेट मिळणार आहे. तसेच दररोज १०० एसएमएस मोफत असणार आहेत.
बीएसएनएलने आपल्या २,४४९ रुपयांच्या लोकप्रिय वार्षिक प्लॅनच्या मुदतीतही १५ दिवसांची वाढ केली आहे. यामध्ये देशभरात कुठेही मोफत आणि अनलिमिटेड व्हॉईस कॉलिंगची सुविधा मिळणार आहे. दररोज २ जीबी डेटा देखील यामध्ये मिळणार आहे. यामध्ये एक वर्षामध्ये अधिक १५ दिवस वाढवून देण्यात आले आहेत. या नवीन ऑफर अंतर्गत, ग्राहकांना रिचार्जवर केवळ अतिरिक्त व्हॅलिडिटीच मिळणार नाही, तर तब्बल १ लाख रुपयांचे वैयक्तिक अपघात विमा संरक्षण आणि १०,००० रुपयांचे सायबर विमा संरक्षण मिळणार असल्याचे समजते आहे.
स्रोत: मूळ बातमी
Leave a Reply