दिवाळीतील भाऊ-बहिणीच्या नात्याचा सण भाऊबीज यंदा आणखी खास करता येईल. कृत्रिम बुद्धिमत्तेच्या म्हणजेच एआयच्या मदतीने अवघ्या पाच मिनिटांत भावासाठी किंवा बहिणीसाठी सुंदर शुभेच्छा कार्ड आणि थ्रीडी लूक असलेले फोटो तयार करता येतात. त्यासाठी डिझायनिंगचे कोणतेही कौशल्य लागणार नाही. तयार असलेले दहा प्रॉम्प्ट्स कॉपी करून पेस्ट केले की काम झाले.
प्रॉम्प्ट्स कसे वापरायचे?
हे प्रॉम्प्ट्स वापरणे अगदी सोपे आहे. मोबाईलमध्ये मायक्रोसॉफ्ट बिंग इमेज क्रिएटर, चॅटजीपीटी किंवा गुगल जेमिनी यांपैकी कोणतेही साधन उघडावे. त्यात आवडलेला प्रॉम्प्ट कॉपी करून पेस्ट करावा. काही सेकंदांतच हवे तसे चित्र किंवा कार्ड तयार होईल.
या दहा कल्पनांमध्ये पारंपरिक थ्रीडी शैलीत भाऊ-बहिणीचे चित्र, आधुनिक कार्टून शैलीचे शुभेच्छा कार्ड, लहानपणीच्या आठवणींवर आधारित जलरंग शैलीचे चित्र, राजवाड्याच्या पार्श्वभूमीवरील शाही थीम, साधे आणि आधुनिक शुभेच्छा कार्ड, सोशल मीडियावरील स्टोरीसाठीचे आकर्षक पोस्टर, भेटवस्तू लपवणाऱ्या भावाची गमतीशीर थीम, निऑन रंगांतील भविष्यकालीन शैली, फुलांच्या रांगोळीने सजवलेली पूजेची ताट आणि व्हॉट्सॲप स्टेटससाठी सोनेरी-मरून रंगांचे बॅनर अशा विविध पर्यायांचा समावेश आहे.
काय काळजी घ्याल?
कार्डवर भावाचे किंवा बहिणीचे नाव हवे असेल, तर प्रॉम्प्टच्या शेवटी नाव स्पष्टपणे लिहावे अशी सूचना जोडता येते. कपड्यांचे विशिष्ट रंग हवे असतील, तर प्रॉम्प्टमध्ये त्याचा उल्लेख करता येतो. बाजारातील साध्या कार्डऐवजी स्वतः तयार केलेले हे एआय कार्ड पाठवून भावंडांना यंदा सुखद धक्का देता येईल.
स्रोत: मूळ बातमी
Leave a Reply