अभिनेता रणवीर सिंग यांच्या कुटुंबावर दुःखाचा डोंगर कोसळला आहे. त्यांचे आजोबा डॉ. राम हिंगोरानी यांचे ८ नोव्हेंबर रोजी, दिवाळीच्या दिवशी, वयाच्या ९६ व्या वर्षी निधन झाले. कुटुंबातील महत्त्वाच्या व्यक्तीच्या जाण्याने कुटुंबियांवर शोककळा पसरली आहे. रणवीर यांचे आजोबांशी खूप जवळचे नाते होते.
नातीची भावुक पोस्ट
आजोबांच्या निधनानंतर त्यांची नात सौम्या हिंगोरानी हिने मंगळवारी रात्री सोशल मीडियाच्या माध्यमातून दुःख व्यक्त केले. तिने आजोबांसोबत असलेले काही फोटो आणि व्हिडिओ शेअर केले असून, त्यासोबत एक भावुक संदेशही लिहिला आहे. तिने आजोबांसोबत घालवलेला वेळ आणि त्यांनी मागे सोडलेल्या आठवणींना उजाळा दिला आहे. ९६ वर्षांचे आयुष्य हे शोक करण्याऐवजी उत्सव साजरा करण्यासारखे असल्याचे तिने आपल्या संदेशात म्हटले आहे. दिवाळीच्या दिवशी लक्ष्मीपूजन सुरू असतानाचा तो काळ आजोबांनी निरोप घेण्यासाठी निवडल्याचे तिने लिहिले असून, आजोबा आता आजीकडे गेल्याची भावना तिने व्यक्त केली आहे. सध्या ही पोस्ट सर्वत्र व्हायरल होत आहे.
रणवीर यांची प्रतिक्रिया अद्याप नाही
रणवीर यांनी आजोबांच्या निधनावर अद्याप कोणतीही प्रतिक्रिया दिलेली नाही. दरम्यान, रणवीर यांच्या एका चित्रपटाच्या प्रमोशनच्या वेळचा एक जुना व्हिडिओ सोशल मीडियावर व्हायरल होत आहे, ज्यामध्ये त्यांनी आपल्या आजोबांसोबतच्या नात्याबद्दल सांगितले होते. त्या व्हिडिओवरून ते आपल्या आजोबांवर खूप प्रेम करत असल्याचे दिसून येते. त्यांनी आजोबांना ‘रॉकस्टार’ असे संबोधले होते.
स्रोत: मूळ बातमी
Leave a Reply