इराणमधील माखुनिक हे अनोखे गाव सध्या सोशल मीडियावर चर्चेत आले आहे. या गावाला ‘लिलिपुट गाव’ म्हणून ओळखले जाते. या गावाचा एक व्हिडिओ व्हायरल झाला असून त्यामुळे जगभरातील लोकांचे लक्ष या छोट्याशा गावाकडे वळले आहे.
३ फुटांचे दरवाजे
या गावातील जुन्या पिढीतील लोकांची उंची तुलनेने कमी होती. त्यामुळे येथील घरांचे दरवाजेही अवघे ३ ते साडे३ फुटांचे बांधण्यात आले होते. हीच या गावाची सगळ्यात वेगळी आणि लक्षवेधी ओळख बनली आहे. कमी उंचीच्या लोकांसाठी बांधलेली ही घरे आजही पाहणाऱ्यांना आश्चर्यचकित करतात.
आणखी वाचा ·दारू पिल्याने लिव्हर किती वर्षांत खराब होते?
व्हायरल व्हिडिओमुळे चर्चा
या गावाचा व्हिडिओ सोशल मीडियावर वेगाने पसरत आहे. व्हिडिओमध्ये गावातील छोटी घरे आणि त्यांचे कमी उंचीचे दरवाजे दिसतात. त्यामुळे हे गाव आता प्रवासप्रेमी आणि उत्सुक लोकांमध्ये चर्चेचा विषय बनले आहे.
स्रोत: मूळ बातमी
Leave a Reply