गोकुळ दूध संघाच्या सत्तापालटानंतर कोल्हापूरमधील राजकीय वातावरण चांगलंच तापलं आहे. काँग्रेसचे नेते आणि आमदार सतेज (बंटी) पाटील यांनी सत्ताधाऱ्यांवर सत्तेचा आणि सरकारी यंत्रणेचा गैरवापर करत असल्याचा आरोप केला आहे.
चार संचालकांबाबत खळबळजनक दावा
सतेज पाटील यांनी गोकुळमधील नव्या घडामोडींवर भाष्य करताना खळबळजनक दावा केला आहे. चार शासननियुक्त संचालकांची नेमणूक फक्त तीन महिन्यांसाठीच आणि मतदानापुरतीच करण्यात आल्याचं त्यांनी म्हटलं आहे. या नेमणुकीवरून कोल्हापूरमध्ये वातावरण तापण्याची शक्यता आहे.
सतेज पाटील यांचा इशारा
अध्यादेश काढून या राज्यात काहीही होऊ शकतं, असं सतेज पाटील म्हणाले. मात्र भविष्यात त्याचे गंभीर परिणाम भोगावे लागतील, असा थेट इशारा त्यांनी दिला आहे. गोकुळ दूध संघाच्या अध्यक्षपदाच्या निवडणुकीनंतरचं हे वक्तव्य कोल्हापूरच्या राजकारणात चर्चेचा विषय ठरलं आहे.
स्रोत: मूळ बातमी
Leave a Reply