दिवाळीचा सण आपल्या माणसांसोबत, कुटुंबासोबत साजरा करता यावा म्हणून अनेक जण गावाकडे जातात. सुट्टीच्या या काळात गावी जाऊन नातेवाईकांना भेटण्याचा आनंद वेगळाच असतो. मात्र कधी काय घडेल, हे कोणालाही सांगता येत नाही. अशीच एक हृदयद्रावक घटना सांगली जिल्ह्यात घडली आहे. दिवाळीच्या सुट्टीसाठी गावी आलेल्या एका न्यायाधीशाचा शेतात विजेचा धक्का लागून मृत्यू झाला आहे.
तुकाराम उर्फ अजित पतंगराव मोटे, वय ४३, असे मृत न्यायाधीशाचे नाव आहे. ते पालघर जिल्ह्यातील वसई येथे वरिष्ठ विभागीय दिवाणी न्यायाधीश म्हणून कार्यरत होते. दिवाळीच्या सुट्ट्या असल्याने ते सांगली जिल्ह्यातील कवठेमहांकाळ तालुक्यातील देशिंग येथील आपल्या मूळ गावी आले होते.
शेतात गेले अन् परतलेच नाहीत
रविवारी दुपारच्या सुमारास ते घराशेजारी असलेल्या शेतात गेले होते. तिथे त्यांना विजेचा तीव्र धक्का लागला. या दुर्घटनेत त्यांचा मृत्यू झाला. शेतात गेलेले न्यायाधीश परतलेच नाहीत, ही बातमी समजताच गावात खळबळ उडाली.
गावावर आणि न्यायालयीन वर्तुळात शोककळा
या अचानक घडलेल्या घटनेमुळे मोटे कुटुंबासह संपूर्ण देशिंग गावावर आणि न्यायालयीन वर्तुळात तीव्र शोककळा पसरली आहे. दिवाळीच्या आनंदाच्या वातावरणात घडलेल्या या दुर्घटनेने सर्वांनाच धक्का बसला आहे.
स्रोत: मूळ बातमी
Leave a Reply