आर्य चाणक्य हे महान विचारवंत, अर्थतज्ज्ञ आणि कूटनीतीतज्ज्ञ होते. त्यांनी लिहिलेल्या चाणक्य नीती या ग्रंथात आदर्श कुटुंबप्रमुखाची काही लक्षणं सांगितली आहेत. चाणक्यांच्या मते, फक्त कुटुंबाचं पालनपोषण करणं म्हणजे आदर्श कुटुंबप्रमुख होणं नाही. कुटुंबप्रमुखावर कुटुंबाची मोठी जबाबदारी असते. ज्या कुटुंबाचा प्रमुख समजदार, ताकदवान आणि धनवान असतो, ते कुटुंब अधिक सुखी असतं, असं चाणक्य म्हणतात. आदर्श कुटुंबप्रमुख होण्यासाठी कोणते गुण आवश्यक आहेत, ते पाहूया.
धन आणि बचत
चाणक्य म्हणतात, कुटुंबप्रमुखाकडे पैसा असायलाच हवा, कारण कोणता प्रसंग कसा येईल हे सांगता येत नाही. वाईट काळात कुटुंबाचे हाल होऊ नयेत म्हणून कुटुंबप्रमुखाने काही पैशांची बचत करायलाच हवी. वाईट काळात हाच पैसा कुटुंबाचा आधार ठरतो. त्यामुळे वाईट काळासाठी पैशांची बचत करणाऱ्या व्यक्तीला आदर्श कुटुंबप्रमुख म्हणावं, असं चाणक्य म्हणतात.
शिस्त
चाणक्यांच्या मते शिस्त हा सगळ्यात महत्त्वाचा गुण आहे. कुटुंबप्रमुखाकडे शिस्त असलीच पाहिजे, तरच त्याला आदर्श कुटुंबप्रमुख म्हणावं. कुटुंबप्रमुखाकडेच शिस्त नसेल, तर तो कुटुंबावर चांगले संस्कार कसे करणार आणि शिस्तीचं महत्त्व कसं पटवून देणार, असा प्रश्न चाणक्य उपस्थित करतात.
संयम
संयम हाही आदर्श कुटुंबप्रमुखाचा सर्वात महत्त्वाचा गुण असल्याचं चाणक्य म्हणतात. प्रत्येक परिस्थिती सारखी नसते; जो वाईट परिस्थितीत संयम ठेवतो, तोच खरा आदर्श कुटुंबप्रमुख ठरतो. त्यामुळे कुटुंबप्रमुखाने संयम ठेवायला शिकावं, असा सल्ला चाणक्य देतात.
(टीप: ही माहिती उपलब्ध स्रोतांच्या आधारे दिली आहे; याबाबत कोणताही दावा केला जात नाही.)
स्रोत: मूळ बातमी
Leave a Reply