सांगलीत जाहीर सभेत बोलताना जयंत पाटील यांनी भाजपला थेट इशारा दिला आहे. छत्रपती शिवाजी महाराजांच्या समोर सांगतो, सरकार बदलल्यानंतर एकेकाला चुनून कारवाई केली जाईल, अशा शब्दांत त्यांनी आपली भूमिका मांडली. त्यांच्या या वक्तव्यामुळे राजकीय वर्तुळात खळबळ उडाली आहे.
लढाई योग्य वेळी लढायची
जयंत पाटील म्हणाले, लढाई करायचं म्हणलं की अवघड नाही, पण योग्य वेळी लढाई करायची आणि आपल्या हिशोबाने लढाई करायची. काही लोक धनशक्तीच्या जोरावर प्रचंड उड्या मारू लागली आहेत, असा टोलाही त्यांनी लगावला. त्यांचे हे वक्तव्य भाजप आमदार गोपीचंद पडळकर यांना उद्देशून असल्याचे सांगितले जात आहे.
राजकीय वातावरण तापले
जयंत पाटील यांच्या या इशाऱ्यानंतर सांगलीच्या राजकारणात वातावरण तापले आहे. आगामी काळात या वादाला आणखी धार येण्याची शक्यता असून दोन्ही बाजूंची पुढील भूमिका काय असेल, याकडे सर्वांचे लक्ष लागले आहे.
स्रोत: मूळ बातमी
Leave a Reply