सपट ग्लोबल हेल्थ प्रा. लि. कंपनीच्या कार्यालयात नवीन सपट डॉ. स्कीन अ‍ॅडव्हान्स्ड लोशन स्प्रे या उत्पादनाचे अनावरण करण्यात आले. या प्रसंगी कंपनीचे व्यवस्थापकीय संचालक डॉ. निखिल जोशी आणि संचालिका ऋतू जोशी तसेच वरिष्ठ अधिकारी व कर्मचारी उपस्थित होते. बाजारात अनेक वर्षांपासून ग्राहकांचा विश्वास संपादन केलेल्या सपट लोशनच्या परंपरेला पुढे नेत कंपनीने आधुनिक स्वरूपातील अँटिफंगल स्प्रे सादर केला आहे.
कोणत्या त्वचेच्या समस्यांसाठी स्प्रे
हा स्प्रे गजकर्ण (रिंगवर्म), बुरशीजन्य खाज, पायांवरील बुरशीजन्य संसर्ग (अ‍ॅथलीट्स फूट) आणि जांघेतील बुरशीजन्य संसर्ग (जॉक इच) यांसारख्या त्वचेच्या समस्यांसाठी विकसित करण्यात आला आहे. त्वचेच्या या सामान्य पण त्रासदायक समस्यांवर सहज वापरता येणारे आधुनिक स्वरूप म्हणून या स्प्रेची ओळख करून देण्यात आली आहे. अभिनेते श्रेयस तळपदे या उत्पादनाच्या जाहिरात मोहिमेशी जोडले गेले असून, अ‍ॅडव्हान्स्ड स्प्रे ऑन, खुजली गॉन ही या उत्पादनाची संकल्पना आहे.
या प्रसंगी उपमहाव्यवस्थापक सोहन कुंभार, साहाय्यक महाव्यवस्थापक धिरज पवार, मार्केटिंग विभागाचे शंतनू ढेपले आणि वित्त विभागाच्या काशिश चांडक उपस्थित होत्या. अनेक वर्षांच्या विश्वासार्ह उत्पादनाच्या परंपरेनंतर आधुनिक स्प्रेच्या स्वरूपात आलेले हे उत्पादन त्वचेच्या बुरशीजन्य समस्यांनी त्रस्त असलेल्या ग्राहकांसाठी नवा पर्याय ठरेल, अशी कंपनीची अपेक्षा आहे.
स्रोत: मूळ बातमी
Leave a Reply