बोगस वैयक्तिक मान्यता आणि शालार्थ आयडी घोटाळ्याच्या विशेष तपास पथकाच्या चौकशीच्या पार्श्वभूमीवर जळगावच्या माध्यमिक शिक्षण विभागाने वैयक्तिक मान्यता असलेल्या शिक्षकांच्या फायली मागवल्या आहेत. या फायली तपासून त्यावर योग्य किंवा अयोग्य असल्याचा शेरा मारला जात आहे.
तीनशेहून अधिक फायलींची तपासणी
जिल्हा परिषदेच्या विद्यानिकेतन विद्यालयात माध्यमिक शिक्षणाधिकारी कल्पना चव्हाण यांच्यासह अधिकारी व कर्मचारी तपासणीच्या कामात व्यस्त होते. विशेष तपास पथकाच्या सूचनेनुसार फायलींतील कागदपत्रांची पूर्तता तपासून योग्य-अयोग्यचा शेरा मारल्यानंतर त्या फायली पुढे पाठवल्या जात आहेत. सुमारे ३०० ते ३२५ फायलींवर सह्या करून त्या ऑनलाइन अपलोड करण्याचे काम सुरू होते.
मान्यता रद्द करण्याचे आणखी ९८ आदेश
शिक्षक आणि शिक्षकेतर कर्मचाऱ्यांचे वेतन थांबवण्याचे आदेशपत्र संस्थाचालक व संबंधित शिक्षकांना देण्यास सुरुवात झाली आहे. वैयक्तिक मान्यता रद्द करण्याचे आदेश दिले जात असून, आणखी ९८ आदेश प्राप्त झाले आहेत. उपशिक्षणाधिकाऱ्यांमार्फत हे आदेश तालुका स्तरावर गटशिक्षणाधिकाऱ्यांकडे पाठवण्यात आले असून, त्यानंतर ते संबंधित संस्थांकडे दिले जातील.
स्रोत: मूळ बातमी
Leave a Reply