रायझिंग स्टार्स आशिया कप २०२६ मध्ये भारत ‘अ’ संघाची सुरुवात निराशाजनक झाली आहे. कतारमधील दोहा येथे ५० षटकांच्या स्वरूपात खेळवली जात असलेली ही स्पर्धा गट ‘ब’ मधील पहिल्या सामन्यात भारत आणि नेपाळ एकमेकांसमोर उभे ठाकले. या सामन्यात भारताचे दोन्ही सलामीवीर वैभव सूर्यवंशी आणि अभिषेक शर्मा अपयशी ठरले.
दोन्ही सलामीवीर लवकर बाद
वैभव सूर्यवंशी सध्या या स्पर्धेत भारत ‘अ’ संघाकडून खेळत आहे. नेपाळविरुद्ध वैभवने ३२ चेंडूंमध्ये तीन चौकार आणि एका षटकारासह केवळ २६ धावा केल्या. वैभवची कामगिरी खालावताच तो ५० षटकांचे सामने किंवा एकदिवसीय सामने खेळण्यासाठी तयार नाही का, असा प्रश्न निर्माण झाला आहे.
वैभवची कामगिरी तर अयशस्वी ठरलीच, पण त्याचा सहकारी सलामीवीर अभिषेक शर्माची कामगिरी त्याहूनही खराब झाली. अभिषेकने आपल्या छोट्याशा खेळीत एका षटकारासह १३ चेंडूंमध्ये केवळ ९ धावा केल्या. आपल्या स्फोटक फलंदाजीसाठी ओळखल्या जाणाऱ्या या दोन्ही भारतीय सलामीवीरांना पहिल्या विकेटसाठी केवळ २९ धावाच करता आल्या. त्यांच्या लवकर बाद होण्यामुळे भारतीय संघासमोर एक मोठे आव्हान उभे राहिले आहे.
अभिषेकसाठी महत्त्वाची संधी हुकली
टी-२० क्रिकेटमध्ये आपली छाप सोडलेल्या अभिषेक शर्माला भारतीय एकदिवसीय संघात स्थान देण्याची मागणी गेल्या काही काळापासून होत आहे. विशेषतः २०२७ च्या एकदिवसीय विश्वचषकाच्या पार्श्वभूमीवर त्याला या फॉरमॅटमध्येही संघात घेण्याची मागणी होत आहे. युवराज सिंगनेही यावर भाष्य केले आहे. अशा मागणी आणि चर्चेच्या दरम्यान अभिषेकला रायझिंग स्टार्स आशिया कपमध्ये आपले स्थान पक्के करण्याची संधी मिळाली, पण तो आपल्या पहिल्याच सामन्यात अपयशी ठरला. नेपाळविरुद्धच्या पहिल्या सामन्यात अभिषेक १० धावादेखील करू शकला नाही आणि सहाव्या षटकात बाद झाला.
आशिया कपच्या आधी वैभवने सय्यद मुश्ताक अली ट्रॉफी या टी-२० फॉरमॅटमध्ये बिहारकडून खेळला होता. त्याने सौराष्ट्रविरुद्धच्या स्पर्धेच्या उद्घाटन सामन्यात बिहारचे कर्णधारपदही भूषवले होते. टी-२० स्पर्धेतील बिहारच्या पहिल्याच सामन्यात वैभव अपयशी ठरला. तो १२ चेंडूंमध्ये केवळ १८ धावा करून बाद झाला. त्याच्या या खेळीत दोन चौकार आणि एका षटकाराचा समावेश होता. खराब सुरुवातीनंतर संघ मोठी धावसंख्या उभारू शकला नाही, परिणामी त्यांना पराभव पत्करावा लागला. बिहारने २० षटकांत ९ गडी गमावून १३७ धावा केल्या. पृथ्वीराजने संघासाठी सर्वाधिक ३८ धावा केल्या. लक्ष्याचा पाठलाग करताना सौराष्ट्रने १६.३ षटकांत ५ गडी गमावून १३८ धावा करत विजय मिळवला.
Leave a Reply