नोकरी करणाऱ्या लाखो कर्मचाऱ्यांसाठी दिलासादायक बातमी आहे. ईपीएफओ मंडळाने पीएफ खातेधारकांसाठी महत्त्वाचा निर्णय घेतला आहे. नव्या नियमानुसार पीएफ खात्यात किमान २५ टक्के रक्कम ठेवण्याची अट बदलून आता फक्त १० टक्के रक्कम शिल्लक ठेवणे पुरेसे असेल. त्यामुळे खातेधारकांना त्यांच्या पीएफ खात्यातील ९० टक्क्यांपर्यंत रक्कम काढता येऊ शकते.
आधी काय नियम होता, आता काय बदलले?
आतापर्यंत पीएफ खात्यात कमीत कमी २५ टक्के पैसे ठेवावेच लागत होते. महत्त्वाचे काम असतानाही ही रक्कम काढता येत नसल्याने अनेक खातेधारकांची अडचण होत होती. आता हा नियम बदलला असून खात्यात फक्त १० टक्के रक्कम ठेवल्यास बाकीचे पैसे आरामात काढता येतील. याशिवाय निवृत्तीनंतर संपूर्ण रक्कम एकदम न काढता ती टप्प्याटप्प्याने काढण्याची सुविधा देणारा सिस्टिमॅटिक विड्रॉवल प्लॅनही मंजूर करण्यात आला आहे.
खातेधारकांना काय फायदा होणार?
गरजेच्या वेळी अधिक रोख रक्कम हातात उपलब्ध राहील, तर उरलेली रक्कम खात्यात तशीच राहून त्यावर व्याज मिळत राहील. महिन्याच्या पगारातून ठराविक रक्कम पीएफ खात्यात जमा होते. पगारानुसार पीएफची रक्कम ठरते आणि ही रक्कम भविष्यात कामाला येते. त्यावर मिळणारे व्याजही पीएफ खात्यातच जमा होते. त्यामुळे हा निर्णय खातेधारकांसाठी मोठा दिलासा ठरणार आहे.
या बदलामुळे अचानक येणाऱ्या मोठ्या खर्चासाठी पीएफमधील रक्कम वापरणे आता अधिक सोपे होणार आहे. खात्यात १० टक्के रक्कम शिल्लक ठेवून उरलेली रक्कम काढता येईल आणि गरजेच्या वेळी निवृत्तीनंतरही टप्प्याटप्प्याने पैसे काढण्याची सोय उपलब्ध राहील.
Leave a Reply