काँग्रेस नेते राहुल गांधी यांनी पहिल्यांदाच आपल्या खासगी आयुष्याबद्दल जाहीरपणे सांगितले आहे. सोनिया गांधी यांच्या ‘बिलॉन्गिंग: अ जर्नी ऑफ लव्ह’ या पुस्तकाच्या प्रकाशन सोहळ्यात त्यांनी केंब्रिजमधील शिक्षणाच्या काळातील एक आठवण उपस्थितांसमोर उलगडली.
## ‘व्हार्सिटी’ रेस्टॉरंटची आठवण
केंब्रिजमध्ये शिकत असताना राहुल गांधी आपल्या प्रेयसीला ‘व्हार्सिटी’ नावाच्या रेस्टॉरंटमध्ये घेऊन गेले होते. विशेष म्हणजे, हेच ते रेस्टॉरंट होते जिथे त्यांचे आई-वडील राजीव गांधी आणि सोनिया गांधी यांची पहिली भेट झाली होती. या जागेचे ऐतिहासिक महत्त्व काय आहे, याची त्यांच्या प्रेयसीला कोणतीही कल्पना नव्हती. आपल्या आई-वडिलांची जिथे पहिली भेट झाली होती, ती जागा प्रत्यक्ष पाहण्याची इच्छा असल्याने आपण तिला तिथे घेऊन गेलो होतो, असा हृदयस्पर्शी किस्सा राहुल गांधी यांनी या सोहळ्यात सांगितला. या आठवणीमुळे पुस्तक प्रकाशन सोहळ्यात त्यांच्या वैयक्तिक आयुष्याचीही चर्चा रंगली.
Leave a Reply