भारत आणि न्यूझीलंड यांच्यातील पाचव्या एकदिवसीय सामन्यात एक हृदयस्पर्शी क्षण पाहायला मिळाला. मोहम्मद सिराज याने तिरंग्याचा मान राखण्यासाठी धाव घेतली आणि त्याची ही कृती पाहून नेटकऱ्यांनी त्याचे भरभरून कौतुक केले आहे. या क्षणाचा व्हिडिओ सोशल मीडियावर मोठ्या प्रमाणावर व्हायरल होत आहे.
मैदानावर नेमकं काय घडलं?
बे ओव्हल मैदानावर सुरू असलेल्या सामन्यादरम्यान एक चाहता तिरंगा घेऊन धावत आला. त्याच्या मागे सुरक्षा रक्षक होते. चाहता तिरंगा घेऊन खाली पडला आणि सुरक्षा रक्षक त्याला पकडण्याचा प्रयत्न करत होते. याच दरम्यान तिरंगा जमिनीवर पडला. हे पाहताच मोहम्मद सिराज सुरक्षा रक्षकाकडे धावला आणि त्याच्या हातातून तिरंगा खेचून घेतला. तिरंग्याचा मान राखण्यासाठी सिराजने दाखवलेली ही तत्परता कॅमेऱ्यात कैद झाली.
सिराजच्या कामगिरीचं कौतुक
सिराजला या पाचव्या वनडेत संघात स्थान मिळाले होते. त्याने दोन बळी घेत भारताच्या विजयात महत्त्वाचे योगदान दिले. मैदानावरील त्याच्या या कृतीमुळे आणि कामगिरीमुळे चाहत्यांनी त्याचे कौतुक केले आहे.
Leave a Reply