एका महिन्यात तिसऱ्या चक्रीवादळाची चाहूल लागली आहे. आग्नेय बंगालच्या उपसागरात १६ तारखेला चक्रीवादळ येण्याचा भारतीय हवामान विभागाचा अंदाज आहे. या पार्श्वभूमीवर अनेक राज्यांना मुसळधार पावसाचा इशारा देण्यात आला असून, समुद्रात ताशी ६५ किलोमीटर वेगाने वारे वाहण्याची शक्यता वर्तवण्यात आली आहे.
ओडिशात यलो अलर्ट
ओडिशा राज्यात यलो अलर्ट जारी करण्यात आला आहे. राज्यातील सर्व जिल्हाधिकाऱ्यांना आपत्कालीन यंत्रणा अलर्ट ठेवण्याच्या सूचना देण्यात आल्या आहेत. सर्व मंत्री या स्थितीचा आढावा घेणार आहेत. हा अंदाज किंवा शक्यता असली तरी प्रशासन अलर्ट मोडवर आहे. १८ आणि १९ तारखेला केंद्रपाडा आणि जगतसिंगपूर या ठिकाणी पाऊस पडण्याचा अंदाज व्यक्त करण्यात आला आहे.
प्रशासन सज्ज
एका महिन्यात हे तिसरे चक्रीवादळ येण्याची शक्यता असल्याने किनारपट्टी भागातील प्रशासनाने तयारी सुरू केली आहे. हवामान विभागाच्या अंदाजानुसार पुढील काही दिवसांत पावसाची शक्यता असून, नागरिकांनी हवामान विभागाच्या सूचनांचे पालन करावे, असे आवाहन करण्यात येत आहे. समुद्रात वाऱ्याचा वेग वाढण्याची शक्यता असल्याने मच्छिमारांनीही सतर्क राहणे गरजेचे आहे.
स्रोत: मूळ बातमी
Leave a Reply