राज्याच्या राजकारणात येत्या काही दिवसांत मोठा राजकीय भूकंप होण्याची शक्यता वर्तवली जात आहे. दोन्ही राष्ट्रवादीच्या विलीनीकरणाच्या चर्चेला वेग आला असून दोन्ही पक्षांच्या नेत्यांच्या भेटीगाठी आणि बैठका वाढल्या आहेत. अशातच बारामतीमध्ये मोठी राजकीय घडामोड घडली आहे.
काटेवाडीत ४५ मिनिटे चर्चा
राष्ट्रवादी काँग्रेस अजित पवार गटाचे नेते सुनील तटकरे यांनी उपमुख्यमंत्री सुनेत्रा पवार, पार्थ पवार आणि जय पवार यांची भेट घेतली. बारामतीच्या काटेवाडीतील निवासस्थानी ही भेट झाली. जवळपास ४५ मिनिटे या नेत्यांमध्ये चर्चा झाली. या भेटीनंतर आता राजकीय वर्तुळात विलीनीकरणाबाबतच्या चर्चांनी जोर धरला आहे.
दिवंगत उपमुख्यमंत्री अजित पवारांच्या निधनानंतर दोन्ही राष्ट्रवादी एकत्र येण्याच्या चर्चांना वेग आला आहे. नेत्यांच्या भेटीगाठी वाढत असल्याने आगामी काळात या चर्चांना मूर्त स्वरूप मिळते का, याकडे सर्वांचे लक्ष लागले आहे.
स्रोत: मूळ बातमी
Leave a Reply