पनवेलमध्ये रांगोळीच्या विविध रंगछटांतून साकारलेल्या देवदेवता, थोर महापुरुष, व्यक्तिमत्त्वे, निसर्गचित्रे आणि सामाजिक विषयांवरील विलोभनीय कलाकृतींचा अनोखा आविष्कार नागरिकांना अनुभवायला मिळत आहे. व्ही. के. ७५ सामाजिक मंडळ आणि रंगदीप क्रिएशन यांच्या संयुक्त विद्यमाने हे रांगोळी प्रदर्शन नागरिकांसाठी विनामूल्य आयोजित करण्यात आले आहे.
देवदेवतांपासून महापुरुषांपर्यंत कलाकृती
या प्रदर्शनात गणपती, श्रीविष्णू, श्रीराम, शिव-पार्वती आणि श्रीकृष्ण यांसारख्या धार्मिक विषयांवरील रांगोळ्यांसह नाना पाटेकर, स्मिता पाटील, मोहम्मद रफी, आशा भोसले, भगतसिंग, सावित्रीबाई फुले आणि महात्मा ज्योतिबा फुले अशा विविध मान्यवरांची व्यक्तिचित्रे रांगोळीतून साकारण्यात आली आहेत.
तसेच भीमाशंकरचे जंगल, दुष्काळ, युद्ध, प्राणी वाचवा, आजचा भारत, प्रोटेस्ट आणि चांदण्यातली दिवाळी अशा सामाजिक व निसर्गविषयक संकल्पनांनाही कलात्मक स्वरूप देण्यात आले आहे.
अनेक कलाकारांचा सहभाग
या प्रदर्शनात शरयू घरत, अमित राजे, रितू पर्णा, मनोज भोपी, नेहा धामणकर, तनिष्का नवाळे, कशिश तीखे, आकांक्षा भोईर-पॉल, नथुराम भेंडखळे, कीर्ती घरत, नेहा घरत, खुशी म्हात्रे, चंद्रकांत जाधव, डॉ. अमोल सलागरे, डॉ. जयदीप शिगवण, ॲड. प्रकाश नवाळे, तन्वी भोपी, जगदीश राऊत, ज्ञानेश्वर कारेकर, कल्पेश माळी आणि जॉन्सन पॉल या कलाकारांच्या कलाकृती पाहण्याची संधी मिळणार आहे.
पनवेलमधील शिवाजी रोडवरील सी.के.पी. हॉल येथे, उज्ज्वल फोटो स्टुडिओच्या शेजारी हे प्रदर्शन भरविण्यात आले आहे.
स्रोत: मूळ बातमी
Leave a Reply