मराठी मनोरंजन विश्वात सध्या लग्नसराईचे आणि प्रेमाचे वारे वाहताना दिसत आहेत. अभिनेत्री अश्विनी महांगडे काही दिवसांपूर्वी लग्नबंधनात अडकली, तर आता आणखी एका अभिनेत्रीनं प्रेमात पडल्याची कबुली दिली आहे. लोकप्रिय मालिका ‘दार उघड बये’ आणि ‘सांग तू आहेस का?’ यांमधून घराघरांत पोहोचलेली लाडकी अभिनेत्री सानिया चौधरी हिनं सोशल मीडियावर एक खास पोस्ट शेअर करत चाहत्यांना मोठं सरप्राईज दिलं आहे. सानियानं तिच्या अधिकृत इन्स्टाग्राम अकाउंटवरून तिच्या आयुष्यातील खास व्यक्तीसोबतचे फोटो शेअर करत आपल्या रिलेशनशिपबद्दल अपडेट शेअर केली आहे.
कोण आहे तो ‘मिस्ट्री मॅन’?
सानियानं इन्स्टाग्रामवर शेअर केलेल्या पोस्टमध्ये ती एका ‘मिस्ट्री मॅन’सोबत रोमँटिक अंदाजात दिसत आहे. या फोटोंमध्ये दोघांमधील सुंदर केमिस्ट्री आणि आनंद स्पष्टपणे दिसून येत आहे. सानियानं या पोस्टसोबत एक अत्यंत भावुक आणि खास कॅप्शन लिहून तिच्या भावना व्यक्त केल्या आहेत. आजकाल आयुष्यात आधीपेक्षा खूप जास्त आनंद आहे, असं तिनं लिहिलंय. सोशल मीडियावर ही पोस्ट शेअर होताच काही मिनिटांतच ती प्रचंड व्हायरल झाली. मराठी चित्रपट व मालिका विश्वातील तिचे सहकलाकार, मित्रपरिवार आणि चाहत्यांनी कमेंट्सचा वर्षाव करत या जोडप्यावर अभिनंदनाचा वर्षाव केला आहे.
सानियाने शेअर केलेल्या फोटोंमध्ये तिच्या आयुष्यातील या खास व्यक्तीचा चेहरा काहीसा अस्पष्ट किंवा मिस्ट्री लुकमध्ये ठेवल्यामुळे तो नक्की कोण आहे, याबद्दल चाहत्यांमध्ये प्रचंड उत्सुकता निर्माण झाली आहे. अनेक नेटकऱ्यांनी “हा मिस्ट्री मॅन नक्की कोण आहे?” अशा कमेंट्स करत सानियाला विचारणा करण्यास सुरुवात केली आहे. सानियानं अद्याप त्याच्याबद्दलची सविस्तर माहिती उघड केली नसली तरीही तिनं तिच्या नात्यावर शिक्कामोर्तब केलं आहे.
सानिया चौधरीची मालिकांमधील वाटचाल
सानिया चौधरी ही मराठी टेलिव्हिजनवरील आघाडीच्या अभिनेत्रींपैकी एक म्हणून ओळखली जाते. ‘सांग तू आहेस का?’ या मालिकेतील तिच्या भूमिकेचं प्रचंड कौतुक झालं होतं. त्यानंतर ‘दार उघड बये’ या मालिकेत तिनं साकारलेली ‘मुक्ता’ ही भूमिका प्रेक्षकांच्या विशेष पसंतीस उतरली. आपल्या सहज अभिनयानं तिनं मराठी रसिकप्रेक्षकांच्या मनात वेगळे स्थान निर्माण केलं आहे.
स्रोत: मूळ बातमी
Leave a Reply