दिवाळीत लक्ष्मी-गणेश मूर्ती खरेदी करताना या चुका टाळा

दिवाळीत गणपती आणि लक्ष्मी देवीची पूजा करण्याला धार्मिक महत्त्व आहे. धन, समृद्धी आणि भरभराटीची देवी असलेल्या लक्ष्मी देवीचा आशीर्वाद सुख, समृद्धी, आर्थिक स्थैर्य आणि भरभराट आणतो, असे मानले जाते. गणपती हे बुद्धी, विवेक आणि विघ्नहर्ता देवता आहेत. दिवाळीत घरात गणपती आणि लक्ष्मी देवीची पूजा केली जाते. लक्ष्मी आणि गणपतीच्या मूर्तींची विशेष ठिकाणी स्थापना करून त्यांची पूजा करणे महत्त्वाचे मानले जाते.

धार्मिक श्रद्धेनुसार, धनत्रयोदशीच्या दिवशी देवी लक्ष्मी आणि गणपतीची मूर्ती खरेदी करणे शुभ मानले जाते. या दिवशी योग्य रितीने पूजा केल्याने धन-समृद्धी येते, तसेच कुटुंबात आनंद, शांती आणि सौभाग्य वाढते, अशी श्रद्धा आहे. दरम्यान देवी लक्ष्मी आणि गणपतीची मूर्ती खरेदी करताना कोणत्या गोष्टींची काळजी घ्यावी, ते जाणून घेऊया.

गणेशाची मूर्ती कशी असावी

वसुबारसपासून दिवाळीची सुरुवात होते. शक्यतो धनत्रयोदशीच्या दिवशी देवी लक्ष्मी आणि गणपतीच्या मूर्तीची खरेदी केली जाते. यावेळी मूर्तीची खरेदी करताना विशेष काळजी घेणे गरजेचे आहे. लक्ष्मी आणि गणपती यांच्या एकत्रित मूर्ती कधीही खरेदी करू नयेत. लक्ष्मी आणि गणपती यांच्या मूर्ती वेगवेगळ्या असाव्यात. हातात मोदक घेतलेली गणेशाची मूर्ती खरेदी करा. त्याच्या हातात मोदकच असायला हवा. मोदक हे ज्ञान, आनंद आणि भौतिक व सामाजिक समृद्धीचे प्रतीक मानले जाते. गणेश मूर्तीमध्ये त्याचे वाहन, उंदीर, असायला हवा. अशा प्रकारची गणेश मूर्ती घरात सकारात्मक ऊर्जा, शुभता आणि समृद्धी आणते, असे मानले जाते. गणेशाची सोंड डावीकडे वाकलेली असावी.

देवी लक्ष्मीची मूर्ती कशी असावी

घुबडावर बसलेल्या देवी लक्ष्मीचा फोटो खरेदी करू नये. शास्त्रानुसार, घुबडावर बसलेली देवी लक्ष्मी ही कालीचे प्रतीक मानली जाते. त्याऐवजी कमळाच्या फुलावर बसलेल्या देवी लक्ष्मीची मूर्ती खरेदी करावी. कमळ हे पवित्रता, सौंदर्य आणि स्थिर समृद्धीचे प्रतीक आहे. मूर्ती खरेदी करताना, देवी लक्ष्मीचा उजवा हात वरदामुद्रेत आणि डाव्या हातातून सोन्याची नाणी उधळत असल्याची खात्री करा. ही मुद्रा दर्शवते की देवी आपल्या भक्तांवर धन, समृद्धी आणि सुदैवाचा वर्षाव करत आहे. उभ्या मुद्रेतील देवी लक्ष्मीची मूर्ती खरेदी करणे टाळावे.

टीप: धर्म, ज्योतिष, वास्तु यांसारख्या विषयांवरील ही माहिती केवळ वाचकांच्या माहितीसाठी आहे. यासंबंधी कोणताही निर्णय घेण्यापूर्वी तज्ज्ञांचा सल्ला घ्यावा.

स्रोत: मूळ बातमी