मुंबईतून लांब पल्ल्याचा रेल्वे प्रवास करणाऱ्या प्रवाशांसाठी दिलासादायक बातमी आहे. मेल-एक्स्प्रेस गाड्यांमधील वाढती गर्दी, वेटिंग लिस्ट आणि तिकिटांच्या अडचणींमुळे प्रवाशांना मोठ्या गैरसोयीचा सामना करावा लागतो. ही समस्या कमी करण्यासाठी पश्चिम रेल्वेने महत्त्वाचे पाऊल उचलले आहे.
मुंबईतून सुटणाऱ्या लांब पल्ल्याच्या गाड्यांची संख्या वाढवण्यासाठी पहिल्या टप्प्यात तब्बल १७ अतिरिक्त गाड्या सुरू करण्याचे नियोजन करण्यात आले आहे. या गाड्या दादर आणि जोगेश्वरी येथून धावणार आहेत.
## दादर-जोगेश्वरीतून सुरुवात
नवीन वर्ष २०२७ पासून या गाड्या धावण्याचे नियोजन आहे. दादर आणि जोगेश्वरी या दोन स्थानकांवरून या अतिरिक्त गाड्या सोडण्यात येणार असल्याने मुंबईतील प्रवाशांना मोठा दिलासा मिळण्याची अपेक्षा आहे.
## १०० गाड्यांचे नियोजन करण्याच्या सूचना
रेल्वेमंत्री अश्विनी वैष्णव यांनी पश्चिम रेल्वेला १०० नव्या गाड्या चालवण्यासाठी नियोजन करण्याच्या सूचना दिल्या आहेत. त्याचाच एक भाग म्हणून पहिल्या टप्प्यात १७ गाड्यांचे नियोजन करण्यात आले आहे. पुढील टप्प्यांत आणखी गाड्या वाढवण्याची शक्यता आहे.
स्रोत: मूळ बातमी
Leave a Reply