मुंबईहून कोल्हापूरकडे जाणाऱ्या महालक्ष्मी एक्स्प्रेसमध्ये मध्यरात्री दरोडा पडल्याची धक्कादायक घटना घडली आहे. सातारा जिल्ह्यातील लोणंद ते सालपा स्थानकांदरम्यान मध्यरात्री अडीचच्या सुमारास हा प्रकार घडला.
सिग्नल यंत्रणेत बिघाड करून गाडी थांबवली
सिग्नल यंत्रणेत बिघाड करून रेल्वे थांबवण्यात आली. त्यानंतर पाच ते सहा दरोडेखोरांनी महिला प्रवाशांच्या गळ्यातील सोन्याचे दागिने हिसकावून नेले. लुटलेल्या दागिन्यांची किंमत सुमारे दोन लाख रुपये असल्याचे सांगण्यात येत आहे.
सुरक्षा व्यवस्थेवर प्रश्नचिन्ह
गाडीत तीन सुरक्षा कर्मचारी असतानाही दरोडा पडल्याने प्रवाशांच्या सुरक्षेचा प्रश्न निर्माण झाला आहे. विशेष म्हणजे याच रेल्वे मार्गावर वर्षभरात तिसऱ्यांदा अशा प्रकारची घटना घडल्याने रेल्वे सुरक्षा व्यवस्थेवर प्रश्नचिन्ह उपस्थित होत आहे. या प्रकरणी लोणंद रेल्वे पोलिसांकडून तपास सुरू आहे.
स्रोत: मूळ बातमी
Leave a Reply