अभिनेते अशोक सराफ आणि अभिनेत्री रंजना देशमुख यांची पडद्यावरील जोडी प्रेक्षकांना खूप आवडायची. दोघांमध्ये चांगले बंधही होते. मात्र रंजना यांच्या अपघातानंतर अशोक सराफ यांनी त्यांना वाऱ्यावर सोडल्याची अफवा पसरली होती. ही अफवा निराधार असल्याचे आता एका प्रत्यक्षदर्शी महिलेच्या कथनातून स्पष्ट झाले आहे. सराफ रंजनांसाठी रोज रुग्णालयात जात असत, पण त्यांना भेटू दिले जात नसे.
अपमान सहन करत कॉरिडॉरमध्ये बसायचे
रंजना देशमुख यांच्यावर ज्या रुग्णालयात उपचार सुरू होते, तिथेच एका महिलेची काकू मणक्याच्या आजारावर सहा महिने उपचार घेत होती. त्या महिलेने सांगितलेल्या हकीकतीनुसार, अशोक सराफ रोज रुग्णालयात यायचे, पण त्यांना रंजना यांना भेटू दिले जात नसे. अभिनेत्री संध्या आणि रंजना यांची आई वत्सला देशमुख तिथेच असायच्या. अशोक सराफ आले की त्या चारचौघात त्यांचा पाणउतारा करायच्या. सराफ सर्व काही निमूटपणे ऐकायचे, कॉरिडॉरमध्ये शांतपणे बसायचे आणि संपूर्ण अपमान गिळून घ्यायचे. संध्याबाई कॉरिडॉरमध्ये येऊन तमाशा करायच्या, पण अशोक सराफ एक शब्दही बोलायचे नाहीत; खाली मान घालून मुकाट सहन करायचे.
का इतकं ऐकून घेता, असा प्रश्नही विचारला जायचा
अशोक सराफ कित्येक दिवस येत असायचे आणि रोज त्यांचा अपमान केला जायचा. संध्याकाळी फेरफटका मारायला बाहेर आणले जायचे तेव्हा ती महिला अशोक सराफांशी बोलायची. तुम्ही का इतकं ऐकून घेता, असा प्रश्न ती त्यांना विचारायची. पण अशोक सराफ हसून उत्तर देणे टाळायचे. रंजना यांना रुग्णालयातून सुट्टी मिळेपर्यंत अशोक सराफ रोज यायचे, कॉरिडॉरमध्ये बसून राहायचे आणि अपमान सहन करायचे, पण त्यांना शेवटपर्यंत भेटू दिले नाही.
१९८७ चा अपघात आणि १३ वर्षे व्हिलचेअरवर
रंजना यांना १९८७ मध्ये मोठा अपघात झाला होता. झुंजार सिनेमाच्या चित्रीकरणावेळी हा अपघात झाला होता. त्यावेळी त्या अवघ्या ३२ वर्षांच्या होत्या. त्यांचे दोन्ही पाय निकामी झाले होते, शरीराचा काही भाग अर्धांगवायू झाला होता आणि हातालाही गंभीर मार लागला होता. अपघातानंतरही त्या अभिनय क्षेत्रात परत येण्यासाठी धडपडत होत्या. शस्त्रक्रियेनंतर फक्त एकदाच या नाटकातून त्यांनी रंगभूमीवर पुनरागमन केले होते. १३ वर्षे त्या व्हिलचेअरवर होत्या आणि ३ मार्च २००० रोजी त्यांचे निधन झाले.
स्रोत: मूळ बातमी
Leave a Reply