पिंपळगाव बसवंत येथील स्वर्गीय अशोकराव बनकर नागरी सहकारी पतसंस्थेने आर्थिक वर्ष २०२५-२६ मध्ये तब्बल ९६ लाख ७९ हजार ७८१ रुपयांचा निव्वळ नफा मिळवला आहे. सभासदांना १५ टक्के लाभांश वितरित करण्याचा प्रारंभ संस्थेचे संस्थापक तथा आमदार दिलीप बनकर यांच्या हस्ते झाला. पतसंस्थेच्या सभागृहात लाभांशवाटप पार पडले.
संस्थेच्या आर्थिक यशाचा आलेख सातत्याने उंचावत असून मार्च २०२६ अखेर संस्थेकडे १३४ कोटी ३४ लाख रुपयांच्या ठेवी जमा झाल्या आहेत. संस्थेचे खेळते भागभांडवल २०६ कोटी ६९ लाख रुपये झाले आहे. स्थापनेपासून आजपर्यंत संस्थेने सातत्याने ‘अ’ वर्ग ऑडिट दर्जा कायम राखत सहकार क्षेत्रातील विश्वासार्हता जपली आहे, अशी माहिती संस्थेचे अध्यक्ष रामभाऊ माळोदे यांनी दिली.
सभासदांच्या विश्वासामुळेच यश
संस्थेच्या यशस्वी वाटचालीत सभासद, ठेवीदार आणि हितचिंतकांचे योगदान मोलाचे असून सभासदांनी संस्थेवरील विश्वास कायम ठेवत सहकार्य करावे, असे आवाहन अध्यक्ष रामभाऊ माळोदे यांनी केले. लाभांशवाटप कार्यक्रमाला आमदार दिलीप बनकर, सोहनलाल भंडारी, अध्यक्ष रामभाऊ माळोदे, उपाध्यक्ष अरविंद जाधव, कार्यकारी संचालक गणेश बनकर, जनसंपर्क संचालक दिनेश बागरेचा, ज्येष्ठ संचालक बाळासाहेब बनकर यांच्यासह संस्थेचे सभासद, पदाधिकारी व कर्मचारी उपस्थित होते.
स्रोत: मूळ बातमी
Leave a Reply