राजधानी दिल्लीतील मंगोलपुरी औद्योगिक परिसरात शुक्रवारी रात्री भीषण दुर्घटना घडली. येथील एका शूज बनवणाऱ्या कारखान्याला अचानक आग लागल्याने परिसरात एकच खळबळ उडाली. या आगीत आतापर्यंत चार जणांचा मृत्यू झाल्याची माहिती समोर आली असून, अनेक कामगार जखमी झाले आहेत.
रात्री साडेनऊच्या सुमारास लागली आग
शुक्रवारी रात्री साडेनऊच्या सुमारास कारखान्यात आग लागल्याची माहिती अग्निशमन दलाला मिळाली. माहिती मिळताच आग विझवण्यासाठी अग्निशमन दलाच्या तब्बल २० गाड्या घटनास्थळी दाखल झाल्या. आगीवर नियंत्रण मिळवण्यासाठी शर्थीचे प्रयत्न करण्यात आले.
कारखाना परिसरात भीतीचे वातावरण
या घटनेमुळे कारखाना परिसरात भीतीचे वातावरण निर्माण झाले होते. चार कामगारांचा होरपळून मृत्यू झाल्याने परिसरात हळहळ व्यक्त होत आहे. जखमी कामगारांवर उपचार सुरू असून आगीचे नेमके कारण अद्याप समोर आलेले नाही.
स्रोत: मूळ बातमी
Leave a Reply