रात्री उशिरा रील्स पाहणे, मानसिक आरोग्याला धोका

धावपळीच्या आयुष्यात दिवसभराचे काम संपल्यानंतर रात्री थोडा मोकळा वेळ मिळतो. यावेळी झोपण्यापूर्वी बहुतांश लोक स्मार्टफोन हातात घेतात आणि सोशल मीडियावर रील्स पाहण्यात गुंगून जातात. काही मिनिटांसाठी हातात घेतलेला फोन तासन्‌तास व्यस्त ठेवतो, हे अनेकांच्या लक्षातच येत नाही.

‘डूमस्क्रॉलिंग’ म्हणजे काय?

सोशल मीडिया आणि इंटरनेटवर सतत रील्स, व्हिडीओ किंवा नकारात्मक मजकूर स्क्रॉल करत राहण्याच्या सवयीला वैद्यकीय भाषेत ‘डूमस्क्रॉलिंग’ असे म्हटले जाते. सध्या सर्वसामान्यांमध्ये हा ट्रेंड मोठ्या प्रमाणावर वाढला असून, अनेकजण झोपण्याच्या वेळीही ही सवय सोडत नाहीत.

मेंदूवर ताण, अस्वस्थता आणि चिंता

ही सवय मेंदूला अस्वस्थता, ताणतणाव आणि चिंतेने भरून टाकते. रात्री उशिरापर्यंत फोन वापरण्यामुळे झोपेचे चक्रही बिघडते, ज्याचा थेट परिणाम मानसिक स्वास्थ्यावर होतो. झोपण्यापूर्वी फोनचा वापर कमी करणे हे मानसिक स्वास्थ्यासाठी महत्त्वाचे मानले जात आहे.

स्रोत: मूळ बातमी