शुक्रवार, २० नोव्हेंबर २०२६ ▶
वेगवान महाराष्ट्र महाराष्ट्राच्या ताज्या बातम्या

वीकेंड नाश्त्यासाठी बनवा रव्याचा टेस्टी व्हेजिटेबल उत्तपा

वीकेंडच्या नाश्त्यासाठी वेगळं काहीतरी हवंय? रवा आणि दह्याच्या बॅटरमध्ये भरपूर भाज्या घालून बनवा टेस्टी आणि हेल्दी व्हेजिटेबल उत्तपा; जाणून घ्या सोपी रेसिपी

वीकेंड नाश्त्यासाठी बनवा रव्याचा टेस्टी व्हेजिटेबल उत्तपा

सकाळचा नाश्ता जर चविष्ट आणि पौष्टिक असेल, तर संपूर्ण दिवसाची ऊर्जा मिळते. वीकेंडच्या सुट्टीच्या दिवशी रोजच्यासारखा नाश्ता करण्यापेक्षा काहीतरी हटके ट्राय करायला हवंय? मग हा रव्याचा व्हेजिटेबल उत्तपा नक्की बनवून पाहा. भरपूर भाज्या टाकून बनवलेला हा उत्तपा खायला रुचकर लागतोच, शिवाय आरोग्यासाठीही फायदेशीर आहे.

सामान्यतः उत्तपा उडदाच्या डाळीचा आणि तांदळाच्या पिठाच्या मिश्रणापासून बनवला जातो. मात्र ही रेसिपी रव्यापासून तयार केली जाते, त्यामुळे ती अगदी झटपट आणि सोपी आहे. चला तर, या टेस्टी आणि हेल्दी व्हेजिटेबल उत्तपाची कृती जाणून घेऊ.

व्हेजिटेबल उत्तपासाठी लागणारे साहित्य

  • रवा – २ कप
  • दही – २ कप
  • टोमॅटो, कोबी आणि शिमला मिरची (बारीक चिरलेली) – प्रत्येकी एक लहान
  • हिरवी मिरची (बारीक चिरलेली) आणि किसलेलं आलं
  • बारीक चिरलेली कोथिंबीर
  • मोहरी – अर्धा टीस्पून
  • तेल – ४ ते ६ चमचे
  • मीठ – चवीनुसार

उत्तपा बनवण्याची सोपी कृती

सगळ्यात आधी एका मोठ्या भांड्यात रवा घ्या आणि त्यात दही घालून चांगलं मिसळून घ्या. जाडसर असं पीठ तयार होईल. यात मीठ, किसलेलं आलं आणि बारीक चिरलेली हिरवी मिरची घालून मिसळा आणि हे मिश्रण थोडा वेळ झाकून ठेवा, जेणेकरून रवा छान भिजेल.

पीठ जर खूप घट्ट झालं असेल, तर थोडं पाणी घाला आणि वरून इनो फ्रूट सॉल्ट टाकून हलक्या हाताने मिसळा. बॅटर तयार झालं की, त्यात सर्व चिरलेल्या भाज्या घालून एकजीव करा. आवडीनुसार यात बीट किंवा गाजरही घालता येईल.

आता गॅसवर नॉन-स्टिक तवा तापवून घ्या. त्यावर हे बॅटर चमच्याने ओतून गोलाकार आकारात एकसारखं पसरवा. वरून थोडं तेल घाला आणि दोन्ही बाजूंनी सोनेरी रंगावर शिजू द्या.

रेस्टॉरंट स्टाईल उत्तपा हवा असेल, तर एक छोटी टीप आहे – भाज्या आधीच बॅटरमध्ये घालू नका. तव्यावर बॅटर पसरल्यानंतर त्यावर भाज्या पसरवा आणि दोन्ही बाजूंनी व्यवस्थित शिजवा. झाला तुमचा गरमागरम, टेस्टी आणि हेल्दी व्हेजिटेबल उत्तपा तयार!

Updated: 14 Nov 2026 10:42 PM

समृद्धी जगताप

Similar Posts

View All

Leave a Reply

Your email address will not be published. Required fields are marked *

ही वेबसाइट AI सहाय्याने व्यवस्थापित केली जाते · This website is managed with AI assistance