बॉलिवूडची प्रसिद्ध अभिनेत्री माधुरी दीक्षित सध्या कोण होणार करोडपती या लोकप्रिय रिअॅलिटी शोचे सूत्रसंचालन करत आहे. या कार्यक्रमाच्या अलीकडेच प्रसिद्ध झालेल्या एका भागात महाराष्ट्राची हास्यजत्रा या कार्यक्रमाच्या टीमने हजेरी लावली होती. या भागाचा प्रोमो सध्या सोशल मीडियावर जोरदार व्हायरल होत आहे.
प्रेक्षकांमधून आली खास विनंती
हॉटसीटवर समीर चौघुले आणि प्रियादर्शनी इंदलकर बसलेले असताना, प्रेक्षकांमधून हास्य कलाकार रोहित माने यांनी माधुरी दीक्षितसमोर एक खास इच्छा व्यक्त केली. सातारी भाषेचा लहेजा पकडून तिने डॉक्टर श्रीराम नेने यांच्यासाठी उखाणा घ्यावा, अशी विनंती त्यांनी केली. ही विनंती ऐकताच प्रेक्षकांनी जोरदार टाळ्या वाजवल्या.
माधुरीचा मजेदार उखाणा
माधुरी दीक्षितने लगेच सातारी शैलीत उखाणा घेतला. ती म्हणाली, एक होती चिऊ, एक होता काऊ… डॉक्टरांचं नाव घेते, आता डोकं का खाऊ. हे ऐकताच हास्यजत्राची संपूर्ण टीम आणि प्रेक्षक खळखळून हसू लागले. या मजेदार क्षणाचा प्रोमो सोशल मीडियावर धुमाकूळ घालत आहे.
स्रोत: मूळ बातमी
Leave a Reply